記得某回，朋友乙感嘆：「人老咗，真係好難搞。」他的婆婆，年紀愈老邁行為愈古怪，生命愈倒數思想愈神化，無情白事經常疑神疑鬼，毫不理性擔心人身安危，後來索性足不出戶，她的原因是：「好驚搭升降機。」
原因？朋友乙轉述：「佢話喎，一個人喺部升降機度，同成個世界隔絕，有啲乜事，叫天不應叫地不聞，只係得佢自己。而且由十幾樓搭升降機，即係成個人企響半空，萬一部升降機跌咗落嚟，咁就慘死咯……唉！」說後他一副無奈表情，沉靜好幾秒，突然補充：「其實，婆婆講嘅嘢，都好似有啲道理。」
後來，婆婆離世了，這已是多年前的事。若果她泉下有知，得悉升降機斷纜急墜事故，她或會說：「係唔係呢？我都話搭升降機好得人驚o架啦！」當然，4條鋼纜竟然全部斷掉，緊急煞停系統同時失效，的確是叫人毛骨悚然的慘劇，婆婆就算仙遊前達到通靈境界，大概也預測不到這一幕。
乘搭升降機是生活一部分，因為習以為常，所以從未上心。想深一層，人在升降機，真是完全離地，只靠鋼纜繫於半空，是名副其實的生命懸幾線，不見得比玩過山車安全許多。乘搭某酒店的升降機，由102樓高速降落到地面，更有一種玩跳樓機的感覺。
入住的大廈得一部升降機，今天下午作定期檢查，弄得我要拾級回家，但我沒半點抱怨，只希望定檢愈頻愈好。
網址：www.chan-wai.com