旅人時光：可以選擇的健康（上）
對於一個由細到大都食極唔肥的瘦柴來說，我至今仍未曾試過甚麼健康餐、營養餐，梅菜豬肉、片皮鴨、打邊爐、日式燒肉、豚骨湯拉麵等反而卻食極唔厭。我明白愈美味的食物便愈無益的大道理，可是綜觀身邊友人經常掃興地對一大堆美食無奈地忍口，我還是情願不顧後果，把又肥又美的食物安心地統統放入口。
曾跟某幾位日日呻肥的女性友人去日本旅行，雖則她們每日的生活都必須跟健康餐單做人，但人在外地好像突然反常（或醒覺）似的，一見到想吃的美食，竟然總大膽地拋下一句：「食咗返去再減過。」便將一直信奉的健康理論統統踢走。
大部分日本料理菜式都很健康，當然也有部分油膩食品，食得健康與否其實是自己選擇的，不過大前提就是只要你知道日本人進食的小竅門。
在日本到定食屋吃個定食，就等於在香港去茶餐廳吃個快餐一樣普通。當入到定食屋後，看着餐牌上那些すき焼き定食（壽喜燒定食）、生姜焼き定食（薑汁炒豬肉片定食）、さげみそ定食（麵豉鯖魚定食）與刺身定食的圖片，若是講求健康食物的你，會如何選擇？只求惹味好味的我，絕對會揀壽喜燒定食或薑汁炒豬肉片定食。至於講求健康的人，相信一定選擇那熱量較低的刺身定食吧。
網址：www.facebook.com/lamwaimei/