3D TV智能升呢團年好戲氛

年廿九是團年的大日子，適逢新年出花紅，換部功能齊全的電視機，團年飯後合家歡睇賀歲片，定必更加盡興。Hisense最新LTDN39K360HK3D屬少數內置Android 4.0智能系統的39吋3D TV，可隨時上網睇YouTube短片或facebook留言賀年外，還配備新一代晶彩影像處理引擎，大大優化紅、綠、藍的色彩表現，加上1,000,000:1超高動態對比度，令層次變化更細膩逼真。

用家煲碟播賀歲片，一樂也。
售價：$5,280

全面網絡功能

市面上的3D智能電視，大多屬40吋以上型號，而且售價偏貴，反觀Hisense新出的39吋3D TV，五千幾元有交易，最啱小家庭使用。雖然屏幕只有39吋，但備有全高清解像度，煲碟追劇睇到悶悶哋，仲可透過LAN線或內置Wi-Fi連接上網，利用Android 4.0系統玩遊戲Apps；同時能上facebook、微博等與好友拜年。為了方便打字，用家除可以虛擬鍵盤輸入外，更能接駁無線鍵盤和滑鼠，亦支援播放YouTube短片，小記試睇串流影片時，完全唔會窒吓窒吓。此外，一般網頁瀏覽亦難不倒它，上on.cc亦相當流暢，顯示中文字絕冇問題。

色彩優化細膩

有時睇睇吓影碟，發現畫面色彩及層次欠細膩，影響整體觀感。為此，新機引進晶彩影像處理引擎，能針對視訊特性進行色域分析，從而優化紅、綠、藍色表現，不但能趕絕偏色問題，更令影像細緻像真。另配備1,000,000:1超高動態對比度，暗位深黑厚實，就算隔着3D眼鏡都唔會黑埋一舊；加上採用不閃式3D及120Hz掃描技術，令主動式3D眼鏡與屏幕閃動頻率更統一，解決3D TV常見的閃爍問題。同時支援2D轉3D功能，播放DVD、電視節目、RMVB檔案，甚至打機時都能將畫面3D化，還可因應個人睇片習慣調節景深，令畫面立體感盡現。