農曆新年當然要行街、拜年兼去商場Shopping，如唔知泊部車去邊，不妨下載《Shopandpark》一試，呢個App可以在地圖顯示你附近各個大小商場，並且提供商場資訊，車主可以在購物消費同時，瀏覽泊車優惠。此外，可以查找指定商場，甚至油站的位置，你亦可以留言，詢問或通知其他用家各商場的泊車資訊，但必須先登記成為會員。
平台：iOS
售價：免費
若然欲趁假期去鄉郊遊玩，當然同樣要掌握目的地的泊車位同油站位置，《關理車事Turbo》就向駕駛人士提供停車場、咪錶位、電單車位、電動車充電站及各個油站等資料，清晰地在地圖上顯示。此App亦可以搵到汽車美容店，幫部車在春節前扮靚靚都可以，又或者大吉利是講句，萬一有需要找拖車或車房，亦都唔使愁，此App全部齊晒，有備無患。
撰文：朱志華