3年翻一番 龍吐珠潛力強勁

有人養魚為陶冶性情,有人養魚作投資工具,究竟乜嘢魚最具升值潛力?咪就係俗稱「龍吐珠」嘅龍魚!一般幼年龍魚已值數千元,待3至4年成長後更可升值一倍以上。假如飼養有法,健康且色澤光潤的龍魚,閒閒哋值過萬元,龍魚專家阿偉便教大家如何揀魚同養魚。

入手睇鱗片

原來每條「名種」龍魚身上都植入Barcode晶片,亦即是牠們的身份證。阿偉指出:「當龍魚出世約2至3個月,魚場便會為牠們植入晶片,最好揀選植入魚背位置的魚苗,以免影響成長。由於魚苗的魚彩未能盡顯,應細心觀察鱗片是否條理有序,而側線則長於由頂向下數的第3行鱗片上。常見龍魚品種包括銀龍、紅龍及金龍,當中較高檔有『過背金龍』及『血紅龍』等,每條售價約一萬元。」雖然龍魚身價高昂,其實牠們好襟養,至3歲期間每天只需餵飼6至8條魚仔。

3至4歲易手

養到3至4歲便開始睇到成果,魚身色彩幾乎完全展露,也是易手的最佳時機,至於售價高低便要看大家換水是否勤快。阿偉表示:「魚缸的換水頻率大概一星期一次,但唔可以一口氣換晒,換走大約相等於三分一缸水,佢地會高興地游來游去甚至跳出水面,所以換水時記得蓋好魚缸。」由於龍魚需求大,一般龍魚店或養魚討論區都會有人收購,假如各位養到龍魚色彩潤澤,開價幾萬元都大把人要。萬一市況淡靜,龍魚都可陪伴大家20年以上,待市道轉好再易手。

撰文:黎子豪

鳴謝:龍魚站

查詢電話:8203 3370