Wi-Fi SD卡雖然推出了一段日子，可惜價格一直高企。最近本地薑Speed以親民價推出ez Share Wi-Fi SD卡，除了備有8GB、16GB及32GB容量外，更內置無線傳輸晶片，只要將記憶卡調至「Share」模式並插入相機內，便可以手機或電腦連接Wi-Fi SD卡，即時無線存取靚相。小記試用後，發現傳輸速度達Class 10的新卡，無線過一張2MB相片只需幾秒搞掂。廠商還特別推出Android及iOS專屬App，可一次過存取多幅相片，即時上載至社交網絡。最重要是8GB入手價$398，比起同級產品平一截！