日產Serena SH Green Highway Star 綠遊青衣

觀景亭睇青馬大橋

青衣自然徑位於寮肚谷附近一帶山丘，北面入口於寮肚路盡頭，揸車去可泊在長宏邨或長亨邨時租停車場，自然徑起點與停車場相距只約400m。青衣自然徑的路面鋪裝很好，半點泥路都不用踏足，又有涼亭、長櫈等休息地方，適合一家大小和行山初哥。青衣自然徑全長約3.5公里，沿途設有4個觀景亭，分別看到汀九橋、青馬大橋及青衣市區等景色，唔少拍友都喜歡在黃昏前登山，拍攝壯麗的日落景致。跟着指示牌往南面出口方向行，抵達青衣西路便是自然徑終點，再沿路北行約1.5km，便可返回停車場。

車身大卻慳油

成家人出動去郊遊影相，又要載人、又要帶相機腳架，有部MPV會方便好多，今次同行是日產（Nissan）Serena SH Green Highway Star，唔止車櫳夠大、夠寬敞，仲非常慳油，皆因導入的S-Hybrid系統，增大了ECO Motor的發電能力，而且新增了一個27Ah輔助電池（專門供電給車內12V電器），可令Idling Stop的時間變得更長、更頻密，達到減低油耗及排放的效果，廠方公布的油耗為15.2km/L（JC08模式），以目前油價計算，每km燃油成本約$1.1，環保得來又慳家。

車廂設計簡約，帶有家庭車的和諧感。

引擎不只慳油好力，而且噪音不大。

雙電趟門輕按易開

新車的智能停車熄匙系統（ISS），是減低油耗的一大法寶，停車等候時會自動關閉引擎，若鬆開制動腳踏，引擎又可在0.3秒內重新起動，而且震動不大，敏捷又順暢。此外，Serena的設備亦非常貼心，自動雙電趟門加入了「One Touch」功能，只要用手指輕按門柄上的按鍵，便可控制車門開閂，一來不用擔心拉動手柄弄花指甲，抱着小朋友都可輕鬆打開車門。雖然Serena車身不小，但勝在車窗夠大，A柱下方又設有三角窗，睇位可以話冇難度，若是擔心泊位的話，還可選裝頭、尾鏡頭，前、後有幾多位剩一目了然。現時，Serena SH Green Highway Star已預載了Keyless Go無匙系統、雙區獨立恒溫冷氣及上斜起動輔助系統，由於獲認可為環保汽油私家車，可獲45%首次登記稅寬減，新車售價僅為$295,800。

車頂設有巨型天幕，可享開揚景致。	鍾意睇戲的話，可選配中排頂置屏幕。	車廂空間非常闊落，帶來舒適乘坐感。

規格表

車型：MPV

每有分支路，都有地圖指示方向。	全程路面鋪裝良好，輕鬆便走畢全程。	沿途有多個地方都可影到青馬大橋，景觀相當開揚。
後排座椅可向兩側翻起，增加車尾載物空間。

引擎：直四

容積：1,997c.c.

最大馬力：147ps/5,600rpm

最大扭力：21.4kgm/4,400rpm

傳動：XTRONIC CVT

驅動：前置引擎、前輪驅動

懸掛：（前）獨立麥花臣式支柱、 （後）扭力桿式

制動：（前）通風碟式、（後）碟式

車身體積：4,770×1,735×1,865mm （長×闊×高）

撰文：鄭浩文

攝影：張群生

查詢電話：2803 5333（合誠汽車）

模特兒：Kelvin、Anladia（GME）