Hair Me Out 專業變髮

據非正式統計，女士們出門最花時間的項目，一不離化妝，二不離髮型。尤其在這聖誕佳節，造型日日要有新鮮感，少點精神和耐力，觀音頭都怕變成掃把腳！馬上跟專業髮型師學番兩招，輕輕鬆鬆打造Party髮型，自然去邊都咁Sharp醒！

要有漂亮的髮型，健康富光澤的髮質是基本。髮型師Moko每次造型前都會為頭髮打好底：「把適量的護髮油塗抹於濕髮上，然後再吹髮或夾鬈，能保護及滋潤髮尾，睇落更有光澤。」

今次示範的公主式鬈髮，技巧在頭頂的Volume和三抓辮：「頭頂的髮根可用蓬鬆粉或密齒梳逆向梳整，用鹽水也可以，不過會令髮質變得粗糙。而三抓辮的難度在於抓緊邊緣頭髮，要保持整齊但有鬆鬆的感覺。」兩側鬆厚立體的鬈髮，更可修細面型，令面部輪廓更突出，包包面必Like！

冬日天氣乾燥，髮質變得毛燥不順滑，容易失去彈性及張力。一Take過趕走毛燥，不如Gel到行整個旋風蛋卷頭。

要塑造這種線條硬朗的髮型，Moko說打底應該用中度定型的產品，令頭髮黏在一起：「先紮All Back馬尾，然後把馬尾在後腦開始扭成圈狀，左右兩邊每2cm就要用扁夾固定，額前更要用強力定型產品將髮尾收入圈內。」她更提大家紮馬尾前夾成鬈髮，可增加髮絲彈性，同時令頭髮層次更豐富，亦更易做成鬈曲。

Step i 噴上中度定型噴霧，令頭髮強韌，更易塑造整體造型。	Step ii 用鬈髮器夾鬈耳朵以下的頭髮。	Step iii 束馬尾後，將馬尾撥向額前，並扭成中空的圈狀。
Step iv 邊扭邊用扁夾定型，同時再噴定型噴霧。	塗上護髮素後，先用梳整理好，才沖水。