高鈞賢打上癮 冰球極速快感

喺加拿大自細打冰球打到大的高鈞賢（Matthew）表示：「它集高速溜冰、球棍控制、團隊戰術於一身，極速快感令人一玩上癮。」想體驗一下這冰上運動？其實香港冰球訓練學校提供入門至高階課程，大人細路都啱玩！

高鈞賢：「講求速度與合作。」

7歲移民至加拿大，因而接觸冰球的Matthew表示：「我細個已識得溜冰，但玩冰球係另一回事，除了要顧及平衡之外，更要控制球桿。雖然會經常跌低，但由於着晒全副裝備，受傷嘅機會反而冇其他運動咁高。」拍攝當日，眼見他Full Gear上陣，玩咗一個小時已滿頭大汗。「冰球運動除了速度感高，運動量其實都好大，用嚟減肥最啱！」

如果做啱Basic Stand，就算好似Matthew和Barry咁互撞都唔會跌低。

冰球以硬膠製造，體積細小，打中後可以高速飛行或滑行。

北美地區冰球運動盛行，比賽機會自然多，Matthew仲做埋冰球隊隊長：「冰球比賽特別在可無限換人，而且每節比賽中不會停止，加上場上球員的高速動作，節奏明快！而且場上6人一定要溝通，皆因它與足球一樣有『越位』，所以要練習戰術如『Dump In』等。如對方球員犯規而被罰離場2分鐘的話，就要把握人多打人少嘅時間盡力搶分。」

射球	控球	任何運動都難免跌低，第一步記得用雙手支撐身體。

星級教練：「首要做好保護！」

聽Matthew講到冰球咁好玩，仲可以瘦身Keep Fit，連小記都蠢蠢欲動，但自問高速溜冰都唔識，究竟玩唔玩到呢？香港冰球訓練學校表示，雖然現時主要在學校推廣這項運動，但無論男或女、大人或細路都啱玩，學校更會為參加者提供課堂訓練。採訪當日，冰場內便有小朋友上堂，其總教練Barry（包比利）更是前NHL球員兼前加拿大國家冰球隊成員，他表示：「玩冰球其實冇分年齡，最細四、五歲小朋友都玩得。惟冰面又凍又滑，保護裝備更為重要，頭盔、牙套、護頸、護肩、手套、護肘、護襠、護褲、護脛、溜冰鞋一樣都不能少。」

第二步以雙膝跪地穩住身體，之後便可站立繼續比賽。	頭盔、牙套、護頸、護肩、手套、護肘、護襠、護褲、護脛、溜冰鞋、球桿，裝備齊全。	香港冰球訓練學校總教練Barry ：「比賽時一定要抬起頭，睇實比賽情況！」

基本動作好重要

要玩冰球，首先要學識喺冰上嘅基本動作，Barry表示，本身識溜冰嘅人會較易掌握，初學者可從基本站姿（Basic Stand）學起。「雙腳應打開至與肩部闊度相同，小腿企直，大腿微曲，這樣便可保持身體平衡。」Barry補充：「學識平衡之後，便可學習基本溜冰，例如前溜（Skating）、轉彎（Turn）、煞停（Stop）；充分掌握之後先拎起球桿，嘗試控球（Handling）、傳球（Passing）、射球（Shooting）、基本截擊（Checking Drills）。」要學嘅動作好似好多，但其實唔難掌握，幾歲小朋友都可參加冰球比賽！

動作全面睇

射球：主要分為Slap Shot及Wrist Shot，前者揮桿動作較大，速度和力量自然較大；後者揮桿動作細、準繩度高，常用作快速射門。

控球：球棍兩面均可用來控制冰球，要掌握好才可保住控球權。

跌低：

1. 任何運動都難免跌低，第一步記得用雙手支撐身體。

2. 第二步以雙膝跪地穩住身體，之後便可站立繼續比賽。

裝備知多啲

香港冰球活動並不普及，所以售賣裝備嘅舖頭少之又少。玩家大多於網上郵購回港，起碼選擇夠多！

Bauer 4500 Helmet

售價：US$89.99（折約HK$701.9）

網購網址：www.hockeymonkey.com

Warrior Diablo Grip Sr. Composite Hockey Stick

售價：US$119.98（折約HK$935.8）

網購網址：www.hockeymonkey.com

Reebok White K Pump Sr. Ice Hockey Skates

售價：HK$1,980

查詢電話：3568 0142

冰場介紹

唔似得北美地區，香港嘅冰場唔多，而且唔係個個場都可進行冰球比賽。Mega Ice位於九龍灣MegaBox，26×57米滑冰場屬全港最大，符合國際冰球比賽標準。

邊度有得學？

如果想學玩冰球的話，可參加香港冰球訓練學校的課程，由初階入門、技巧訓練到團隊練習等，由專業教練授課，費用由每季$2,600至$5,250不等。

查詢電話：3713 2888

網址：www.hkaih.org

撰文：林子聰

部分攝影：郭凱敏