遊台要有禮

到底香港人有幾鍾意去台灣旅行，單憑台灣觀光局推出「百萬旅客獎」，以迎接今年第100萬位訪台港澳旅客，就已經可以知道。既然每7個港人就有1個去台灣，咁點解我冇收過台灣手信？如果你身邊都有朋友去台灣，咁就要叫佢下載Android App《台灣伴手禮》（台灣稱手信為伴手禮），程式搜羅了台灣各地著名的伴手禮資料，以台北為例，由老天祿鴨舌到小花園繡花鞋都有，種類繁多！透過GPS更可尋找到附近的伴手禮店舖。想用唔知買咩手信做藉口都幾難！