關島「美」味以外

關島有咩好食？大家可能心想，美國地方咪又係大大份烤肉、炸雞和漢堡包，仲會有咩特色？其實關島除被美國文化影響外，昔日還曾被西班牙人統治過300年，再加上本地的查莫洛族（Chamorro）文化，食物當然不會單調乏味！

查莫洛原始味道

Proa是當地屢獲飲食獎項的餐廳，今年5月再次獲得當地的「People's Choice」大獎，實力毋庸置疑。慕名而來的人絡繹不絕，不想撲空浪費時間，謹記提前訂位。不少人都將餐廳名字誤讀成「Pro A」，但其實它是查莫洛人一種子母雙體船的名字，能高速穿梭海岸，是族群的象徵之一，西班牙航海家麥哲倫更譽它為「飛艇」，故餐廳特別以此作名字和標誌，店內更有不同大小的Proa掛在牆壁或天花板作裝飾！

美食方面，Proa BBQ最值得推介，主菜有齊雞扒、牛仔骨和豬肋骨，以獨特的醬油燒製，吃時加入帶點酸辣的Finadene醬汁，以中和肉類的油膩感。旁邊的紅飯大家亦不要冷落，它是查莫洛人的傳統主食，以當地Choti樹的紅色種子磨碎，混合鹽水煮製而成，入口較有嚼勁及帶點微香，與白飯的綿韌大不同。頭盤則有四種選擇，當中的Chicken with Chipotle最有看頭，醬汁如咖喱汁般濃郁，配上香滑的牛油果餡餅相當惹味。

Proa其實是查莫洛人常用的雙體船，在餐廳內不難找到它們的蹤影。

頭盤Chicken with Chipotle配上牛油果餡餅，口感相當Juicy，US$9.95（約HK$77）。

頭盤Chicken with Chipotle配上牛油果餡餅，口感相當Juicy，US$9.95（約HK$77）。

勁燒牙買加風情

想行街、食飯一次過，有查莫洛市集之稱的Hagatna，絕對值得一逛。每逢星期三晚營業，除了50多間商店外，街上還會有攤檔擺賣各種小食及服飾等，極之旺場。市集內的Jamaican Grill，裝潢以紅黃綠為主調，盡顯牙買加風味，熱情鬼馬的侍應，更擅長搞氣氛，未吃已經先令大家興奮。

吃完傳統查莫洛美食後，還可買賀卡留念，每款US$3.5（約HK$27）。

Red Velvet Cheese Cake，不但色彩鮮艷，口感亦相當幼滑，US$6.95（約HK$54）。

Red Velvet Cheese Cake，不但色彩鮮艷，口感亦相當幼滑，US$6.95（約HK$54）。

店員無論老幼也十分鬼馬，唔知佢係咪扮緊李小龍呢？

想大吃大喝的話，不妨點選「家庭套餐」。先有切得細細粒的雜果沙律為大家開胃外，還有雞蓉配玉米餅。雞肉用上傳統查莫洛的煮法，帶點辣味的雞肉撕成小碎，配上爽脆的玉米餅，口感軟硬兼而有之。講到大餐的主角，非燒雞加豬肋骨拼盤莫屬，香脆的皮下是嫩滑的雞肉，以及惹味肉汁滿載的肋骨，加上硬身的紅飯和香軟的芋頭飯，包保大家捧着肚皮行出門口呢！