哈比人現身機艙
大家最近行街有無留意到「哈比人」終於返嚟啦！由《魔戒》導演彼得積遜（Peter Jackson）打造的《哈比人：不思議之旅》，據講將會在聖誕檔期上映。身為粉絲，當然要買飛入場！但係大家又有冇諗過，可以親身飛去新西蘭睇全球首映呢？咕嚕帶咗個亞拉岡口訊畀小記，向來支持當地經濟及形象的新西蘭航空，特別請佢哋上飛機開Party，仲拍咗套機上安全短片，一眾精靈化身空姐空少，除咗亞拉岡會教大家應用機上的救生設施外，就連導演Peter Jackson都粉墨登場。登入有關網址，除咗可以率先睇片外，只要留意片中指定中土文字出現的次數，更可以參加新西蘭航空「中土世界」之旅抽獎，贏取雙人來回新西蘭6天旅程連機票，及《哈》片全球首映入場券。
All Black特別號
「哈比人」出名外，新西蘭的國家欖球隊All Black同樣世界聞名。新西蘭航空特別挑選同樣碩大無比的777-300客機作全身黑色演繹，機尾更有All Black徽號，就連經濟艙座位亦同樣換上黑色，而且只此一架，主力來往新西蘭至洛杉磯航線，有機會去到新西蘭的話，記得留意All Black嘅蹤影啦！
撰文：李家俊