變「型」俠醫 1:6秦博士

佩佩年底推出

《怪醫秦博士》又譯作《怪醫黑傑克》，是手塚大師70年代的作品之一，當年名氣跟《小飛俠阿童木》不相伯仲。主角秦博士有點像蝙蝠俠，帶點陰暗和邪惡，但事實卻慈悲為懷，往往利用一身高超醫術幫助別人，難怪Medicom及Hot Toys兩大廠商都先後為他出過1:6 Figure。惟兩廠均參照漫畫造型設計，感覺太過Cute；相反今次ZCWO則以OVA動畫為基礎創作，令秦博士更成熟、更美型，廠方表示年底會出埋佩佩及死敵切木醫生，粉絲們豈能錯過。

三地合作炮製

近年Figure界興兩地合作，呢隻秦博士更誇張，香港傾版權，韓籍大師IMINIME Rainman雕頭，最後再交到台灣DIY高手GuGu Chris塗裝，港韓台三地合作，難怪由構思到完成歷時達8個月，絕對落足心機。實物所見，頭雕沒有令人失望，五官、輪廓都跟足原著，極具動畫感；雙眼更經過移印及光油處理，眼珠在燈光照射下略帶晶瑩，絕非求其上色就算。頭髮則以多層軟膠製作，把2D髮型重現立體感，加上黑白分明，抵讚！

身高29cm，頭雕跟Body比例夾過晒，絕對唔會頭大身細。

送埋紅酒、酒杯同煙斗，前者更貼有「拉菲」招紙，勁認真！

西裝度身訂造

秦博士終年穿着藏滿手術刀嘅黑色大褸，呢方面Figure都跟到足，由大褸、馬革背心、白恤衫，到皮帶、皮鞋俱是度身訂造，論質素絕不比日本玩具廠遜色。稍嫌嘅係大褸膊頭位太窄，穿着時有點困難；另外皮鞋金屬扣只係塗上銀油，若能如皮帶扣般用上真金屬會更好。身為外科醫生，一篋手術刀、針筒和聽筒當然少不了，最正係今次送埋紅酒同煙斗，等秦博士手術後可以Relax一下。

5隻造型手不設拳頭款式，而且膚色跟Body差太遠，有待改善。	身為醫生，聽筒當然少不了。	植皮塗裝自然，眼珠更略帶晶瑩，猶如真人咁有神。

撰文︰陳志滔　

廠方指最難造係頭髮，經過多次測試，才整到依家咁自然。	西裝度身訂造，鐵線絲帶更可扭成不同形狀。	皮鞋質感太膠，皮扣又非真金屬；幸好內藏腳掌，可換其他鞋。
打開皮篋便可搵到針筒、手術刀及鉸剪，勁精細！

攝影︰盧展程

查詢電話︰2398 7654