Note II開賣！妙筆生Apps

新一代大芒王GALAXY Note II正式開賣，四核心處理器、5.55吋屏幕嘅強勁規格固然係賣點，但最搶眼還是支神奇S Pen。新功能好似懸浮預覽Air View等夠晒實用，今次香港行貨仲要加入大量S Pen專屬Apps，可用支筆嚟玩遊戲添。想玩？$5,698就可以入手喇！

LTE版本嘅Note II將於10月尾推出，記得留意！<BR>售價：$5,698

LTE版本嘅Note II將於10月尾推出，記得留意！
售價：$5,698

大芒規格強

早前iPhone 5抵港，炒到七、八千元，風頭一時無兩！作為Android陣營嘅龍頭Samsung當然唔執輸，近日推出GALAXY Note II還擊。新機最大賣點當然是其5.55吋HD Super AMOLED靚芒，不但大過上一代嘅5.3吋，仲改用16:9比例，全屏幕睇片更加爽。而新機內置1.6GHz四核心處理器及2GB RAM，規格媲美電腦。最抵讚係機身大小、重量同上代差唔多之餘，電池容量激增至3,100mAh，用家唔使再擔心續航力問題。

S Pen專用工具

新機強調S Pen筆控功能，香港行貨除了玩到晒早前公布的懸浮預覽Air View、簡易「褪地」Easy Clip、拔筆記事Popup Note功能外，最正係用家可到「Samsung Apps」下載S Pen專用遊戲和工具，當中比較好玩的有鬥快填色嘅《Fastest Painter》、用筆畫出企鵝逃生路線嘅《LAZY RUN!》，加上早前公布嘅筆記簿專屬Apps《MOLESKINE》、《Sketchbook》，配套都幾充足！廠商同場仲發布《S Pen SDK 2.2》開發軟件，睇嚟日後會有更多獨家Apps登場，令人期待。

同場擺出大量Note II配件，好似機殼、座枱充電器、外置充電池等。

除了白色機身外，香港行貨還備有灰色選擇，背殼加入髮絲紋處理。

$0機價上台

3香港乘Note II開售，立即推出上台優惠，由即日起只要選用$298或以上嘅月費計劃，即可以$0機價出機。以$298月費為例，備有800MB流動數據，1,500（網外）加1,000（網內）通話分鐘，相當夠用。依家出機，仲有勁多優惠，附送價值$298的原廠保護套、首6個月額外最多4GB數據用量、12個月手機失竊保障、3Screen嘉禾院線全年通行證，以及價值$449的Liquipel watersafe納米防水塗層。

查詢電話：3166 2222