Storm Toys 1:6 Tyson 「泰」經典

現實中狂人再不復返，幸好他的靈魂能以Figure形態再登擂台，這個由本地人偶公司Storm Toys炮製的1:6泰臣，由頭雕到素體皆以人手製作，限量200隻，Boxing迷絕對可以無慮入手。

見證職業生涯

泰臣，小記打《街霸》最愛用的角色。雖然佢曾經酗酒、破產兼咬人耳仔，但佢依然係世上首個同時贏得WBA、WBC及IBF3條金腰帶的重量級拳王。小記係佢Fans，本地人偶生力軍Storm Toys主腦Eddie亦然，他表示：「跟其他Figure廠製作的電影角色不同，我們主打傳奇運動員。早於1年前我們便創作過年輕版泰臣，結果反應熱烈，如今我們再應粉絲要求加推中年版，希望能完整呈現這位退役拳王的整個職業生涯。」

拳師鞋（上）及皮鞋（下）的質感唔錯，並內附腳掌，可整對鞋除出來。	皮鞋	老鼠仔印有毛主席紋身，但顏色深一點會更清楚。

素體比例準確

有別於Custom Made作品愛用山寨廠Body的習慣，Storm Toys製作的泰臣，由頭到腳都是人手倒模複製而成，雖然成本極高，但卻能減低每件成品的失真程度，因此就算產量不多亦情有可原。Eddie表示，整個Figure前後經歷了11個月時間開發及改良，並依據泰臣出獄後的外貌、神態為藍本；肌肉沒有第一代年輕版般結實，但噸位更勁，體形比例亦更準確，將泰臣頸短、腰短及膊闊的身體特徵全部表現過來。惟美中不足是腕關節作用不大，但卻大大破壞了雙手美感，設計有點多餘。

限量生產200隻，跟盒送的出世紙均印有獨立編號。	只提供5款造型手，少咗啲喎！	素體採用人手製作，身高、肌肉合乎真人比例，並提供20個關節。

附送兩個頭雕

頭雕方面，跟其他大廠使用韓籍頭雕師不同，Storm Toys沿用本地創作，雖然神似度跟對手尚有一段距離，但皮膚質感比上代進步；最重要是有齊微笑及兇狠兩個表情，保證擂台上下都有樣見人。至於服飾，拳套、Boxer褲及拳師鞋係基本配置，最估唔到係有埋西裝一套，恤衫、外套、西褲到皮鞋都是度身訂造，摸上手更發覺用料不錯。配件是較弱一環，除了5款造型手及「出世紙」外，便沒有任何Bonus Parts，始終售價不菲，若送埋個沙包配件會更合理呢！

撰文︰陳志滔　

攝影︰譚建章　

查詢電郵︰stormtoys@yahoo.com