飯局中，話題當然離不開食品，朋友O自認偏食，還沾沾自傲：「我不吃煎雙蛋，不怎樣垂涎涼瓜炒蛋，更不能接受雞蛋布甸，不過愛好法式Crème brûlée。」全枱朋友「過分」、「黐線」、「發神經」之聲此起彼落，朋友O只報以一笑。
食物，何嘗不像人？經過整形、易容、變妝、加料、僭建，便得到天淵之別的喜惡待遇。我想起某僱傭廣告，一外籍女投訴：「佢都係我同鄉喔……」是的，同鄉，但不同命。
每個人，都有一點食物偏執，不含理性原由，只因舌頭說不。撫心自問，縱使工作要講飲講食，亦有生命中不能承受之食，最Cliché的莫過於榴槤——說Cliché，因為太多人對榴槤耍手擰頭，Mass到毫無個性，我偏偏淪為一員，難免感懷身世。
近日發現，我不好榴槤，卻愛吃榴槤甜品，非混入真材實料的榴槤成分不可。上星期在唯港薈大堂的Green咖啡室，一口氣嘗了榴槤布丁、榴槤慕絲金寶、榴槤泡芙和榴槤芝士蛋糕，居然愛不釋口，以貓山王製作的芝士蛋糕更要Encore再Encore。
然後，前天試試由新加坡運港的Bakerzin榴槤冰皮月餅，貓山王與D24兩面夾攻，我亦意外地如魚得水，還對身旁朋友推薦：「貓山王比D24好吃，因為味道更濃更臭。」好食是因為更濃更臭？連我也不能相信自己會吐出這種說話。
也許，人生諸事，Never say never，未試過，還是未知數。
網址：www.chan-wai.com