YoYo入鄉隨App WeChat社交傳聲
中港交流頻繁，唔少人都有玩社交Apps，但大家有否發現，香港人最常玩的facebook，簡直絕迹於內地巿場！想與內地朋友溝通的話，惟有「入鄉隨俗」，利用當地最Hit的社交平台盡情Chat。剛推出寫真集的YoYo（仙樂都）經常往返內地，無論是約好友逛街或是工作討論，她都一定《WeChat》不離身，更大讚這App內置Voice Chat語音通訊勁方便，搖一搖便可搵新朋友，仲話身邊愈嚟愈多人轉會玩添！
Voice Chat 毋須打字
YoYo早前經朋友介紹試玩微信《WeChat》後，完全上晒癮，她覺得這個內地熱爆的社交App，Voice Chat功能最煞食。她表示：「Voice Chat可以諗到乜就講乜出來，毋須逐隻字打咁辛苦，最緊要係揸車時都用得着嘛！」好多時YoYo出街Shopping，見到某些店舖大減價，便會Send句留言，朋友收到可即時去掃貨。「有次返內地旅行，諗起要幫屋企人買手信，只用簡單幾句聲音短訊，便知道屋企人想要乜，最吸引是跨地區Chat都冇Delay，音色收發清晰，好過用《Skype》。」
Group Chat 意見冇聽漏
之前為趕及書展推出寫真集，YoYo和製作團隊要馬不停蹄開工，完全冇時間坐低開會，因此好多時要用《WeChat》的Group Chat幫手。她解釋：「Group Chat可一次過同最多40人進行討論，加上傾拍照編排、造型化妝等，好難以文字表達，反而用聲音更直接易夾。」由於Group Chat入面的聲音短訊有晒紀錄，既唔驚聽漏，又可以補聽。再者，這App不會公開用家的上線紀錄，唔怕被人誤以為睇咗唔覆，留下「冇禮貌」嘅印象。
Shake出新朋友
除咗社交「傳聲」夠新意之外，YoYo仲會用Look Around及Shake功能搵朋友。「Look Around會自動尋找附近使用《WeChat》的用家，之前去台灣搵嘢食，就係靠Look Around找當地朋友問。」她提到Shake功能更加有趣：「用Shake搵朋友沒有地域限制，只要搖動手機，系統便會偵測正同樣搖動手機的玩家，並詢問是否加進Contact List，唔使問人拎ID咁麻煩，可以識到唔少新朋友。」另備有Drift Bottle小遊戲，可將留言隨機拋給世界任何一位《WeChat》用家，YoYo就試過收到一段搞笑韓文留言！
各地社交App邊隻Hit？：歌手裕美：掀LINE熱潮
「近年極速上位的《LINE》，多得可愛角色如熊大、兔兔等，加上《LINE Camera》抵死拍照功能，在日本相當流行。如果睇唔明日本藝人專頁，更可利用內置中日翻譯功能，夠晒貼心。」
華姐倪晨曦：twitter國際化
「在澳洲及加拿大生活時，主要跟外國朋友以《twitter》聯繫。由於這App在歐美相當流行，我可以睇到娛樂名人和好友的精簡訊息，朋友的動向可說是瞭若指掌。」
猴抓妹陳維芊：全城玩facebook
「台灣很多女仔每天都會花數小時在facebook上，甚至把大量照片放上去，有時連硬碟都找不到那些照片。故當有人刪除了facebook帳戶，他們的人生便好像失去了一部分。」
撰文：廖俊斌
攝影：林資凱
場地提供：PRIME