Game模Rainbow 升呢闖江湖

得意侍寵坐騎

平時見到好多Game模的角色扮相維肖維妙，佢哋私底下又鍾唔鍾意打機呢？Rainbow坦言以前好少打Online Game，不過今次既然代言《3D古龍群俠傳Online》，便開咗個角色玩。「遊戲入面用唔番我扮演的蕭咪咪，於是揀咗『貫槍』職業，除了造型夠靚之外，攻擊力仲比較高，打怪升呢容易啲！」

另一吸引之處是其360度的3D古代場景和戰鬥設定。「遊戲備有『武莊』系統，可以指派角色進行任務及工作，過一段時間便可以獲得財物、原料等資源，仲可以資源換取道具。另外又會見到吉祥物Go仔等『坐騎』，又有『侍寵』跟住你戰鬥，好Cute！」

升呢裝備全面睇

Rainbow話現時Online Game對電腦的硬體要求唔算高，大多用滑鼠來控制視點，鍵盤負責操控和攻擊。不過殺敵想更得心應手，好嘅鍵盤和滑鼠又點少得！

Sensei 超靈敏滑鼠

Sensei是Steel Series的新系列打機滑鼠，擁有高達11,400 CPI靈敏度，令每一下滑動更加精準。而且用家可以自設滑鼠個人Profile，甚至自訂顏色燈作識別，夜晚打機時更搶眼。

售價：$879

查詢電話：3677 6491

Quick Fire Pro 紅光機械軸

機械鍵盤向來是機迷必備配置，CM Storm新推出的Quick Fire Pro採用Cherry MX機械軸，不但回彈力充足，按鍵壽命更高達5,000萬次。鍵盤更加入紅色背光，咁就唔怕撳錯掣。

售價：$840~$980（備有青、茶、黑、紅軸）

查詢電話：2950 0348

同場加映：Game模愛打機

陶嘉瑩（Elise）情迷網上對戰：「近排玩緊《英雄聯盟League of Legends》，在朋友介紹下先接觸，玩法同《魔獸爭霸III》好相似。最鍾意係可以同班Friend上網對戰，又可以用材料合成裝備，變化好大！」

陳芷敏（Elke）喜歡Mini Games：「我鍾意玩啲唔使用腦嘅小遊戲，一得閒就會玩NDS嘅《Mario Party》及《任天狗》，前者可以多人一齊對打，簡簡單單好快就可以玩完一鋪；後者可以養得意寵物，我自己就養咗隻貓！」

撰文：林子聰　部分攝影：林資凱