有個詞語，深受好似好西化、好似好有見識人士廣泛採用，叫做Déjà vu，原是法文，字面解作「曾經見過」，意思是指人類在現實環境中，首次去到某個地方或遇上某些事情，卻浮現「似曾相識」的感覺，其實只是一種錯覺。
一直以為，像這類超級扮嘢字眼，我是無福使用，直至前天晚飯後到糖水舖吃豆腐花，看到朋友Q將豆腐花一片一片地細心品嘗，再目睹朋友K先把豆腐花與黃糖攪爛拌勻才美味享用，我的腦海居然波瀾激盪，湧出一浪接一浪的Déjà vu，嚇得我。
經過七七四十九秒的入定、冥想、出神、遊魂，我終於回魂過來，發覺這絕非幻覺，而是曾經發生的「少年陰影」。
時光倒流廿多年，我與幾位同學在其中一人家中，一邊做功課一邊吃外賣豆腐花，想不到演化為一輪爭拗，同學A陳詞：「吃豆腐花當然要一片一片地吃，攪爛了豈不是變成豆漿？」同學B反駁：「豆腐花是固體，攪爛了是碎了的固體，豆漿卻是液體，請不要混為一談！不攪拌糖分便不均勻，味道就不好。」同學C堅持：「一片一片地吃才能保持原有質感！」同學D答辯：「甜度偏差了又談何美味？」同學E：「你黐線！」同學F：「你發神經！」同學A大怒，向同學B口吐豆腐花（或豆漿？），全體驚叫，亂作一團……
經過廿多年，每次吃豆腐花，腦海都不能靜下來。
網址：www.chan-wai.com