1:6 Spider-Man滴膠戰衣現新

Spider-Man翻拍，所謂新人事新作風，今次不但換咗導演，連蜘蛛俠也換成憑《The Social Network》一炮而紅嘅靚仔Andrew Garfield。姑勿論劇情是否大同小異，但新蜘蛛俠嘅新戰衣和噴絲裝置絕對畀到大家新鮮感。向來緊貼「英雄」步伐嘅Hot Toys，當然不會放過為他塑造1:6人偶嘅機會，單睇試辦已見神似度超高，不能不說句︰「Amazing！」
售　價︰$1,280 預訂價︰$1,230（今年第4季推出）<br>＊圖中為試辦款式，與正式推出的版本或有若干分別。
售　價︰$1,280 預訂價︰$1,230（今年第4季推出）
＊圖中為試辦款式，與正式推出的版本或有若干分別。

改良Body更神似

Spider-Man的金句「能力愈大，責任愈大」，做人如是，做Figure亦如是。新蜘蛛俠雖然很多地方都與舊版相似，但若重用舊技術、舊物料，不但粉絲唔收貨，Hot Toys亦過唔到自己嗰關，因此新作由頭雕到服飾都全新製作，絕對沒有苟且偷工。

要形神俱備，先要了解新舊版有何分別，原來Andrew Garfield比「前輩」高出8cm之多，加上闊膊、腰長，若沿用舊Body一定唔Pass；為此廠方特別把Body改良，並同時加厚了肩膊位，令着衫後的身形比例更接近真人。

試辦只公開了4對造型手掌，到上架時會追加多1對吐絲手。
  • 試辦只公開了4對造型手掌，到上架時會追加多1對吐絲手。
電影中，蜘蛛俠的鞋底畫面一瞬即逝，估唔到Hot Toys都跟到足。
  • 電影中，蜘蛛俠的鞋底畫面一瞬即逝，估唔到Hot Toys都跟到足。

真人頭雕待審批

一如舊版，新作附送幪面和真人兩款頭雕，各加入Ball Joint位，一拔一插便能更換。神似度方面，幪面一款輪廓不深，對Hot Toys的技術來說絕對Easy Job，但為貼近原著，蜘蛛俠雙眼特別改為透明黃色，在燈光下透光度極高，連複眼紋理都一清二楚！至於真人頭雕，現階段還未知神似與否，皆因試辦尚有待電影公司審批；惟根據經驗，過往由Im Jung Hyuk落刀、JC. Hong塗色的頭雕都予人信心保證，相信今次亦不會例外。

噴絲裝置設計和大小都跟到足，而顏色則按電影公司要求用了藍色。
  • 噴絲裝置設計和大小都跟到足，而顏色則按電影公司要求用了藍色。
戰鬥服的格仔紋理相當突出，並與戲服一樣，把蜘蛛Logo拉長。
  • 戰鬥服的格仔紋理相當突出，並與戲服一樣，把蜘蛛Logo拉長。
戰鬥服彈性甚高，站立或屈膝擺甫士都冇難度！
  • 戰鬥服彈性甚高，站立或屈膝擺甫士都冇難度！

大動作冇難度

頭雕、素體解決了，來到最關鍵亦是最困難的地方，就是一身戰鬥服。新作沿用既薄且具彈性的布料打造，並改良了滴膠技術，以營造出精細且複雜的格仔紋理。若各位看過電影的話，會留意到新戰鬥服的縫合位及虛位比較多，這方面廠商都跟到足，令Figure輕鬆便能舉臂、拗腰及屈膝，想擺大動作甫士絕對冇問題！蜘蛛俠以拳腳戰鬥居多，因此配件較少都情有可原，只跟5對造型手掌及4條蜘蛛絲，好彩嘅係噴絲裝置按足比例及顏色來製作，保證完美主義者冇得挑剔！

雙目擁有極高透光度，燈光下連複眼紋理都清晰可見。
  • 雙目擁有極高透光度，燈光下連複眼紋理都清晰可見。
隨盒附有4條蜘蛛絲，暫時未知如何與噴絲裝置連接。
  • 隨盒附有4條蜘蛛絲，暫時未知如何與噴絲裝置連接。

撰文︰陳志滔

攝影︰張群生

查詢電話︰2388 4677