藍芽耳機愈出愈輕便，不過體積所限，電池亦都好易用晒。Plantronics M55最特別是備有全球首創的DeepSleep慳電模式，耳機離開手機連接範圍超過90分鐘，就會自動進入「睡眠」狀態，令電量可保存達5個月；當耳機與手機回復至連接範圍內之後，撳一下接聽按鈕，又可以即時「喚醒」耳機，啱晒鍾意將耳機擺喺車內的用家，以後就唔使驚揸車時耳機突然冇電啦！
慳電能力驚人之外，原來M55更由著名前BMW設計師Darrin Caddes設計，修長、輕巧的外形注入了汽車設計的概念，戴上耳仔都唔怕老套！支援藍芽3.0技術的M55亦內置隔除回音及減少數碼雜訊等功能，加上Wideband Audio，有效提高通話質素。另外，更備有聲控來電接聽或拒接功能，同耳機講句「Answer」、「Ignore」，唔使撳掣就會自動接聽或拒接，非常方便。同時Plantronics亦推出另一款耳機M25，同樣內置DeepSleep功能，雖然減除了聲控功能，不過價錢就比M55便宜$100，更加划算。
撰文：林子聰
查詢電話：2395 3913