三色台新一輯自家旅遊節目將於7月播出，雖然都係邀請藝人去唔同地方介紹一下，不過全部都以「快樂」做主題。提起「快樂」，又點少得早排引起網絡大討論嘅南太平洋島國瓦努阿圖？呢個連本港旅行團都未曾踏足過嘅國度早於2006年及2010年被英國《新經濟基金》評為世界最快樂的國度，連旅遊權威刊物《Lonely Planet》都於去年將它列入全球必遊國家第6位，最厲害嘅係原來極限玩意「笨豬跳」就係源自當地嘅傳統習俗！今次三色台安排「大細路」鄭伊健體驗簡單淳樸嘅「快樂」，伊健回港後有讚無彈，萬一睇完之後心郁郁咁點算？據聞本港首個瓦努阿圖旅行團正在報名中！