IT潮物拖Beach Girl下水

水底拍攝 靚人靚景

雖然手機有拍照功能，但想影番輯沙龍，始終都係數碼相機較為穩陣。近年各大廠都有推出防水相機款式，輕巧DC仔可說是女士首選，在藍天碧海下玩浮潛，再於水底影靚相，擺上網自然人人讚好。

多色襯泳衣 TOUGH TG-820

Olympus TOUGH TG-820備有卓越的四防性能，防水深度達10米，就算潛落水底影珊瑚都冇問題，仲有多款濾鏡即時畀愛靚的女士做後期製作，適合潛水女生使用。除了防水、防沙塵、防凍外，機身另支援2米防撞，加上備有

4種顏色揀，用來襯泳衣都掂。

電話水戰 通訊無阻

防水電話令你不論游水或曬太陽，都可以機不離身「煲粥」，對於平時多約會的佳人十分有用。Christie表示：「有防水功能的手機款式唔多，就算有都會好大部，唔啱女仔用，而近年日本手機便引入防水功能，最啱帶去沙灘玩。」

濕水WhatsApp DoCoMo SH-06D

SH-06D用上Android智能系統，可於沙灘WhatsApp不在話下，更內置雙核心1.2GHz處理器及4.5吋裸眼3D靚芒，無論自拍或打機都得心應手。最重要係機身符合IPX5/7防水標準，可於1.5米水深玩30分鐘都冇問題，咁樣上山下海都可以隨時睇facebook！

另覓防水法：iPhone保護套

如果用慣iPhone，想部手機跟埋你落水得唔得？其實都有方法！巿面上有不少專為iPhone而設的防水保護套，如這款DiCAPac防水套，不但設計上完全符合iPhone機形，還通過IPX8標準，加上於水中依然可以觸控屏幕，仲預留鏡頭位影相，就算在想水中自拍都一樣掂！售價：$240（b）

游水聽歌 人生享受

不少女生一早已經當手機係MP3機，在沙灘冇得聽歌，只會令Beach Girls覺得冇癮；接駁喇叭播歌又怕騷擾到其他人，要邊游水邊聽歌的話，其實亦備有防水藍芽耳機供選擇。

水中靜聽 BFU-Z藍芽耳機

呢款防水藍芽耳機由香港設計，具有少見的防水功能，支援IPX8標準，可以在3米水深使用，本身已經跟埋防水耳塞。女士們唔想受到狂風浪蝶滋擾，游水、曬太陽時聽歌係不錯選擇。

濾鏡影相Tips

作為女生，當然唔會淨係玩自拍咁簡單，影完相之後都要加番啲特別效果先見得人。近年防水DC都引入後期製作元素，好似TG-820有成12種藝術濾鏡，如碎片化同反射效果等。為遷就不諳攝影的女生，連白平衡都可即時顯示出不同色調選擇，咁就唔怕唔識用喇！

沙灘3D自拍Tips

夏天當然要在沙灘自拍Show Off一下，用手機自拍係最方便的選擇。不過呢部SH-06D採用裸眼3D屏幕，拍嘅時候記得盡量找些前後景差距較大的位置取景，這樣才可以突出立體感，背景是藍天碧海或綠樹林蔭就最理想。

達人Tips：留意眼睫毛！

「由於防水相機會在鏡頭前添加防水物料和塗層，所以感光能力比一般相機差，拍照時對光線的控制要更加小心，最理想的情況當然係順光影啦。另外，女生在游水時最好選用防水化妝品，特別係睫毛液好易溶於水中，不想被拍下貓樣的話，最好注意一下。」

撰文：譚文龍 部分攝影：胡振文 模特兒：Christie Yuen

查詢電話：（a）2374 0618、（b）3590 2664、（c）2376 2150、（d）3480 3073