Lumia 610二千有找平玩導航

逛街唔識路，又想搵車搭，好多人都會開着手機「地圖」幫手。若嫌《Google Maps》Load得慢的話，大可試吓Nokia新一代Windows Phone，近期便有入門級Lumia 610登場，不但內置Nokia地圖幫你搵路，同時備有公共運輸、導航Apps，咁就唔怕蕩失路，最重要是機價二千有找，抵玩！

售價：$1,998

地圖定位功能

Lumia 610的內置地圖支援定位功能，並整合餐廳、商場等熱門地點。另一強項是備有公共運輸和導航Apps，前者只要輸入起點及目的地，便可找出合適的交通工具；後者則可作汽車導航之用，兼具語音功能，用家更可預先下載亞洲、美洲等地的離線地圖，自駕遊必備！

即影即Tag相

新機內置800MHz處理器，論機能屬入門級數，但採用經優化的《Windows Phone 7.5》平台後，操作更為流暢！而廠方亦為新機加入不少實用功能，包括Wi-Fi Tethering網絡分享、Creative Studio玩相片特效等；最特別要數Take-Tag-Smart功能，大家影完相後，即可Tag番相片並上傳至facebook，唔似得iPhone要影完再開App慢慢搞。