「May，依家日本安唔安全？」電話傳來的劈頭一句是這樣開場，那是一位好友的長輩。
「姨媽，邊方面？」這年來被問的範疇層出不窮，除了地震與輻射，還有食物住宿，到哪區沒有海嘯危險等。
「我怕輻射，日本哪些地方冇輻射？去名古屋或札幌好唔好？」
「有冇輻射超標我不清楚，不過地震後我去了日本7次，有次還去災區做義工，選擇得去便不會懷疑。」
「我要帶自己的水去嗎？好似有人回港後生不到小朋友。」她還是鍥而不捨地問。
「去旅行但求安心，若有懷疑就不必搵命博，不如去一轉台灣泰國先啦！」要去工作冇辦法，旅行目的地是可選擇的，何必邊玩邊擔心？
「台灣我不喜歡，泰國唔想去，都冇其他地方揀。」她這樣回答，聽來雖怕輻射但又一意孤行要去日本囉。
「邊度跟福島距離最遠？」她再開口問我。
「最南的沖繩吧。」我答。
「沖繩都不喜歡。」她斷然道。
「九州的福岡？」相信她都是想遠離福島罷了。
「福岡剛剛去完。名古屋或札幌邊度好玩啲？食物好味啲？」她這個問題充滿難度，好玩和好味都很主觀的，況且她不是一直懷疑日本有輻射嗎？看來是求附和。
「名古屋是工業城市，通常要坐長途車到鄰近地方觀光，八丁味噌的菜式較有名。你喜歡吃海鮮，去札幌吃蟹適合你喔。」我相信這句話最啱聽。
「好呀，畀幾間札幌好味的餐廳我去啦。」
翌日，跟我們的共同朋友談起這件事，「明顯係呃水吹啦！哈哈哈！」給朋友一語道破了。
網址：www.facebook.com/lamwaimei/
寫作人「日本村姑」