母親節名店Budget Choice！

Happy Mother's Day！

$268任食酒店點心

母親節，一定要帶阿媽飲茶！唔想等位，唯有去酒店。除Hugo's外，凱悅軒也是尖沙咀凱悅酒店的王牌餐廳，自兩年前回歸後口碑依然，加上餐廳環境骨子，帶優雅中式氣派，而且幽靜舒適，是不少中產歎茶之選。中菜廳早前首創午市任食點心，大受歡迎，難得這推廣於母親節繼續推出，是同阿媽飲茶首選。

蜜汁叉燒 叉燒肥瘦均勻，甚富嚼頭，屬必食的招牌菜。	陳皮沙鯭粥 特別挑選大條的野生沙鯭，用魚骨熬足1小時後，再用魚水煲粥，難怪味道特別鮮甜。	筍尖蝦餃皇 按傳統做法，用中蝦加上筍尖，外皮呈12褶漂亮扇形，好睇又好吃。

最抵是任點任食，選擇包括4款燒味前菜、13款點心、老火例湯、4款粥飯麵、白灼時蔬及甜品，都算豐富。點心款式平實，但全都即點即做，必食招牌蜜汁叉燒，選用肥瘦適中的脢頭肉，外層燒得微焦，入口鬆化無渣，有肉香又有油脂的甘香，肉汁滿滿；包點也不錯，包的外皮以麵種發酵而成，有麵粉香又不黐牙，款款都按傳統方法炮製。每位二百多，不用攞飛等位兼食盡多款酒店級點心，不算貴了。

老火例湯 款式天天不同，拍攝當天就有粉葛鯪魚煲豬(月展)，火候足，滿有家庭風味。

中菜廳集古典與新派於一身，還設有舒服卡座，客人大都斯文有禮，是愜意的歎茶好地方。

點心套餐（a）

蠔皇鮮菌炒和牛面珠 用澳洲M8和牛面珠炮製，肉味濃兼腍滑，配雞髀菇和鮮冬菇同炒，鑊氣十足，好香口。

點心拼盤 精緻蒸籠上場，有原隻鮑魚海鮮脆芋盒、蟹皇蒸燒賣及金箔元貝水晶餃，賣相貴氣十足。

供應時間：5月13日11:00am~2:30pm

魚湯稻庭麵 以星斑熬製而成的湯頭味鮮帶甜，配爽滑溜的日本稻庭烏冬，好吃。

餐桌之間夠闊落，不會坐得逼逼狹，可和媽媽舒適攀談，來一頓寫意午餐。

收費：$268/位（兩位起）（設加一服務費 ）

熱帶慕絲杯 一杯有齊杏仁蛋糕、白朱古力忌廉、菠蘿和杧果等，果香十足不太甜。	朱古力拿破崙 由不同質感的朱古力層層疊而成，66%可可濃度朱古力慕絲，襯上朱古力忌廉，入口又香滑又Rich。	熱朱古力 用4種不同可可濃度的朱古力調校而成，配上雲呢拿條、牛油和熱奶，濃厚而稠度適中，比一般用可可粉沖製的好喝得多。

註：中菜廳平日亦設點心套餐，時間及價錢略有不同。

摒棄傳統英式三層架擺設，換上自家設計的多層木架盛載，更見特色。

一張張大梳化，伴隨103樓景觀，任誰都像置身於浮雲中，好High。

$368食水準中菜

母親節吃中菜，思想傳統的媽媽最受落。不過一到節日，許多中菜廳都設最低消費，又或只提供筵席套餐，消費高之餘欠缺彈性。貴為名人飯堂、洲際酒店的中菜廳欣圖軒，消費一向不便宜，平日午市每位最少三、四百元，但今年推出的母親節午餐，每位只$368，簡直是大割引！

紅酒菊苣扒牛脊肉 餐廳細心，特別選用不太肥的牛仔肉，燒後切片，再配上特製醬汁，味濃好吃。

香草海鮮番茄意大利麵 店內的意粉、麵包全是自家製，這道也不例外；賣相特別，用牛油紙包裹及焗製，條條意粉都掛滿鮮製番茄醬。

午餐有齊點心、小菜、老火湯、粉麵和甜品，收費比平日午餐貴$40，但選材更精；像蠔皇鮮菌炒和牛面珠，用澳洲M8和牛，選面頰部位，牛味濃又有嚼頭。魚湯稻庭麵，用日本稻庭烏冬，更用星斑熬出奶白湯底，鮮香甜美，還有星斑魚肉；鮮松茸響螺燉竹絲雞湯，用雲南松茸配上烏雞燉足4小時，清鮮甘甜，媲美媽咪愛心靚湯。點心則有3款，海鮮脆芋盒面頭有原隻南非鮮鮑，還有連金箔上桌的元貝水晶餃，賣相夠晒貴氣，加上餐廳環境舒適闊落，更看到開揚海景，媽咪一定無投訴。

母親節蛋糕 原個奉上，是榛子慕絲伴海綿蛋糕，比自助式甜品更顯心思。

餐廳裝潢感覺親切，氣氛Casual不拘謹。

慈愛套餐（b）

供應時間：5月13日11:30am~1:15pm 或1:30pm~3:00pm

收費：$368/位（包3款點心、2款主菜、老火湯、麵食和2款甜品），另設$588套餐（設加一服務費）

唔使$300 全球最高High Tea

想帶阿媽High Tea？今年一於帶她登上ICC 103樓的CAFÉ 103！位於全球最高酒店The Ritz-Carlton, Hong Kong內，享受的不僅是居高臨下的震撼景色，Cafe內每張枱都有大張梳化椅，可舒舒服服同阿媽談心。

下午茶有別一般三層架設計，端來時像一個盒，一打開卻是個骨子小木櫃！更喜歡她非我族類，沒有平凡的青瓜三文治，取而代之是即烘迷你窩夫，有不同餡料，如法國鵝肝慕絲、蘇格蘭煙三文魚和野菌等，每款都具心思，像鵝肝加了紅桑子，以酸味突出鵝肝甘香，又加入Coco Nuts，透出獨特香氣。

媽媽最喜歡的甜點，有7款之多，熱帶慕絲杯、乾果朱古力雪糕球、法式焦糖杏仁餅、朱古力拿破崙，每款都用不同可可成分和種類的Valrhona朱古力製作，能吃出酸味、果仁味、果味或茉莉花香等不同層次；重點是做得的骰，一口氣幹掉都不覺膩滯。吃罷甜品，別錯過招牌熱朱古力，香濃滑溜，相信媽媽一定甜入心。

母親節下午茶（c）

供應時間：5月13日 3:00pm~6:00pm

收費：$268/位 （設加一服務費 ）

又食又拎！超值酒店級意菜

近年意菜大熱！大家可考慮請阿媽食意菜！不過像Osteria這類酒店級意大利餐廳，就很少推出抵吃套餐。母親節例外！午餐每位二百多元，就可吃到20多款頭盤和1款主菜，好抵！頭盤有雜豆沙律、煙三文魚、醃漬鯷魚、烤雜菜，另有Parma Ham、Salami和Mortadella，一貫傳統做法，三文魚自家煙製，鯷魚、紅椰菜等也是自家醃漬，盡是意國家常味道。

番茄仔、橄欖、鯛魚、牛肝菌、做意粉和薄餅的麵粉……餐廳9成食材都從意大利進口；即使主菜只3選1，質素也不馬虎。像香草海鮮番茄意大利麵，用熬足4小時的魚湯一起烹調，意粉掛滿鮮汁；另有紅酒菊苣扒牛脊肉和香煎鯛魚柳配三文魚子茄子沙律可選。吃至尾聲，餐廳更會為每位母親奉上蛋糕（每枱一個），還有美容療程和禮品贈送，為今年母親節畫上圓滿句號。

半自助式意大利午餐宴（d）

供應時間：5月12及13日12:00nn~2:30pm

收費：$258/位（5月12日）、$278/位（5月13日）（設加一服務費）

註：餐廳有素食主菜供選擇。

（a）地址：尖沙咀河內道18號香港凱悅酒店3樓

查詢電話：2311 1234

（b）地址：尖沙咀梳士巴利道18號香港洲際酒店大堂下層

查詢電話：2313 2323

（c）地址：尖沙咀柯士甸道西1號環球貿易廣場（ICC）香港麗思卡爾頓酒店103樓

查詢電話：2263 2270

（d）地址︰尖沙咀彌敦道50號金域假日酒店閣樓

查詢電話︰2315 1010

撰文：胡亦桐

攝影：張錦昌、謝孝祥、盧展程