4.5吋防窺影院 SH-06D無人能𥄫

近年手機巿場步向兩個極端，一係Size愈出愈細，一係屏幕愈來愈大。小記身為大男人，手機太細隨時跌咗都唔知，而且搭車煲劇要眯起雙眼唔多方便，所以特別鍾情大芒手機！剛由水路到港的DoCoMo SH-06D，配備4.5吋1,280×720高清屏幕，畫面又清又靚，最重要是提供防窺視功能，趕絕鄰座八卦精，迎合一眾戲迷需要！

DoCoMo SH-06D 售價︰$4,780

AQUOS高清屏幕

SH-06D由Sharp代工生產，佢嘅電視出名色水靚，屏幕植入手機自然更吸引，除了解像度達720p級數，更支援AQUOS顯示技術，配合細緻度高的ASV面板，無論層次、對比度都比一般手機出色。試播電視劇集時，畫面未見狗牙，離遠睇字幕都一清二楚；最正是跟機附送座枱充電器，可將手機橫放起來，一邊煲劇、一邊充電！為保護私隱，手機還提供VeilView防窺視功能，開啟後側望屏幕只能看到花花圖案，用戶更可自定密度同深度，搭車時鄰座乘客伸長條頸都𥄫你唔到。

激凸裸眼拍攝

屏幕咁靚，除了睇相煲劇，影相也是一絕！新機配備800萬像素鏡頭連LED補光燈，規格未算頂級，但對應風景、晚間、寵物及運動等24個場景模式，足以應付不同環境需要。而美顏模式由日系廠商發明，它亦繼承下來，可替用家瘦臉、變大眼、去皺紋兼美白，執到靚一靚！此機另一賣點是支援裸眼3D技術，影相時只要由左掃到右，即能拍出立體相片，毋須佩戴眼鏡便能看到激凸效果！而相片的立體度更可自由調校，用戶甚至可把2D相片變成3D，又或者3D變回2D，娛樂性十足。

打開VeilView功能，側望屏幕便只看到花花圖案！

鏡頭有成800萬像素，兼具LED補光燈。

1.2GHz雙核運算

系統方面，新機用上Android 2.3，內置自家Palette UI介面，惟它只提供英、日兩國語言，想打中文便要安裝第三方軟件了。至於硬件則選用1.2GHz雙核心處理器、1GB RAM及8GB ROM，齋睇規格拍得住電腦，難怪用來拍片、上網絲毫唔窒！另外，日系手機大多支援防水功能，SH-06D都唔例外，機身所有介面都有防水膠邊保護，符合IPX5/7防水標準，可於1米水深下操作30分鐘而無損機能，女仔泡泡浴時都可帶埋去煲劇，唔使同屋企人爭