99張連拍！HTC One X勁過單反

好多女仔都話，若男友/老公強過自己，自己就可翹埋雙手唔使做。同樣道理放喺其他地方一樣適用，若手機影相夠快、感光度高又支援連環快拍，咁仲要單反嚟做乜？以上願望最近由HTC幫大家達成，旗艦機王One X有齊F2.0大光圈、HDR模式、0.2秒對焦及99張連拍功能，加埋四核心處理器及獨立影像晶片，女士們都可輕易變身攝影達人！

試相區<BR>在大背光、不開閃燈的情況下，Model面孔仍保持清晰，不會變成黑面神。<BR>售價︰ $5,198（淨機）、 $6,198（連Beats Solo耳機套裝）

試相區
在大背光、不開閃燈的情況下，Model面孔仍保持清晰，不會變成黑面神。
售價︰ $5,198（淨機）、 $6,198（連Beats Solo耳機套裝）

0.2秒對焦快拍

講Snapshot，好多人鍾意用iPhone，但若認真追求質素，One X才是最佳選擇，800萬像素、28mm廣角、1,080p高清拍片這些只屬基本功能，最勁係對焦時間僅需0.2秒，以正常人眨眼約0.3秒計算，即係影一張相仲快過眨眼！此外，在ImageChip影像晶片輔助下，新機更支援0.9秒快門啟動及99張連拍，保證瞬間影像都能輕易捕捉。針對昏暗環境，它還提供F2.0大光圈及HDR模式，亮度比正常手機高出40%。小記試拍所見，即使Model大背光，影出來都一清二楚，好多相機都自愧不如！

省電四核心處理器

外形方面，驟眼睇One X跟同廠機款分別不大，但原來改變在骨子裏，例如一體成形外殼由特殊聚碳酸酯打造，手感極佳之餘，仲具有防污作用，就算沾上油墨，一擦便能光潔如新。另外，4.7吋屏幕達720p解像度，表面加入Corning Gorilla Glass強化玻璃，無懼刮花！外形出色，硬件仲勁，內置1.5GHz Tegra 3四核心處理器，操作流暢度媲美桌面電腦；最重要是處理器具備省電模式，系統待命時會改用另一粒低電壓核心來運行，配以1,800mAh鋰電池，咁就唔怕電量會「倒水咁倒」。

僅厚8.9mm，配合微彎機身，手感極佳！

採用microSIM卡，插槽要用針打開，稍嫌不便。

改良雪糕三文治

One X是HTC首部「雪糕三文治」手機（Android 4.0代號Ice Cream Sandwich），操作比Android 2.3更快更就手；而且其Sense 4介面，除了保留Friend Stream、動態天氣等小工具外，還提供預覽式工作管理員、首頁目錄等功能；而在新介面下，更能在拍片途中按快門掣捕捉影像，猶如DV一樣。音效方面，新機對應Beats Audio技術，無論聽歌、打機都可享受靚聲，當插上UrBeats、Solo、Pro等耳機時，更備有不同微調效果，值得一讚！