大埔石燒Pizza 270℃出爐
人少少要開大餐，又或大夥兒開Party，意式快餐如Pizza、意粉、沙律就最啱口味。可惜連鎖式意國快餐口味港化，意式風味欠奉！不過仔細搜尋，於大街小巷總會找到一些有Heart的小店。大埔舊墟直街就有家叫「270℃」的小店，主打意式輕食，地道的Pizza，「餅如其名」以攝氏270℃高溫烤焗，香夾脆，等待有心人，準時出爐！
小店格局
店子隱身小街，可以想像地方不大，250餘呎一眼見晒，廚房佔了一半，店內只有6張二人枱，座位逼逼狹，幸好地方光猛整潔，白身牆上以幾幅得意圖畫作點綴，骨子別致。小店由3位年輕人合資開設，選址大埔，老闆之一葉先生解釋：「這區的食店很多元化，意式快餐卻比較少。」負責掌廚的郭Sir，有30多年入廚經驗，曾到西班牙、加拿大和澳洲工作，年輕時跟隨過意大利廚師學藝，亦曾在香港多間酒店及著名西餐廳當廚，手藝紮實。
用料獨到
食物貴精不貴多，以輕食為主，意粉、Pizza共有20多款選擇，另有意式前菜小食如凱撒沙律、肉醬焗茄子、菠菜伴煙肉和酥餅等。對於用料和味道，郭Sir絕不馬虎，做Pizza和意粉的配料如海鮮和蔬菜，他每天親自到街市購買，保證新鮮；就連初榨橄欖油、蘋果醋、番茄肉和茄蓉等都用意大利貨，務求做出意式風味。
像Pizza上的番茄醬，用新鮮番茄混合罐頭茄肉和茄醬調校，比例恰到好處，郭Sir說：「新鮮番茄太多會有草青味，太少不夠鮮味。」他還堅持以人手將茄肉扼爛，保留粒粒茄肉，加添口感；芝士則集合車打芝士、水牛芝士和Parmesan芝士，番 茄味與芝香都吃出層次。
大理石焗爐
美中不足的是，小店規模有限，餅底未能自家每日鮮製，不過老闆特別買了一部瑞士的Pizza焗爐，焗爐底部是大理石，傳熱快，加上攝氏270度高溫烤焗，餅底更香脆。
有感意大利人的飲食偏向健康，所以小店出品亦加入不少健康元素，比如會用意大利的有機意粉，食落更富麥香；雞翼特別用意大利人飯前飯後飲用的蘋果醋調味，健康又開胃。記者特別推介焗蝦肉牛油果，店主為求新鮮，每天只做20個，要食趁手！試過後，就會知道大型餐廳固然有大製作，有時小店出品也未嘗不好，始終心思誠意是永恒的美味法則。
地中海雜錦海鮮大蝦（12吋）$98
配料非常豐富，有新鮮大蝦、魷魚、青口、蜆和魚柳，配大量雜菜，入口啖啖海鮮，絕不欺場。
Pepperoni （12吋）$96
經典香腸配菠蘿的組合，片片意大利辣肉腸，味道夠香帶小辣，卻不會太鹹，菠蘿多汁酸咪咪，加上芝士及茄醬，簡單卻美味。
蜜糖蘋果醋雞翼（前）$32/5隻，意大利肉醬焗薯條（後）$28
雞翼塗上蜜糖和意大利蘋果醋焗香，清甜帶酸，好開胃；薯條每條都沾滿肉醬，香脆又惹味。
鮮茄大蝦有機意大利粉 $48
越南白蝦爽口，有機意大利粉軟硬適中，入口先是一陣鮮茄味，繼而是香草味道，讚！
焗蝦肉牛油果 $36
蝦肉切粒以芝士汁炒香，加新鮮牛油果粒再焗，入口甘甜，又有蝦的鮮味，創意美味兼備，每天限量20客，必試。
REVIEW
環境氣氛：★★★（以5★為滿分）
好味指數：★★★★
必食推介：地中海雜錦海鮮大蝦薄餅、焗蝦肉牛油果、蜜糖蘋果醋雞翼
人均消費：$80
撰文:李文雅 攝影:謝孝祥
地址：大埔舊墟直街9號粵發大廈地下7號舖
查詢電話：2665 1182