三國題材的遊戲玩之不盡，SLG迷到4月20日就有得玩日版PC Game《三國志12》。等唔切？仲有今日正式公測的惡搞版《吞食天地3 Online》。今集轉變都幾多，加入大頭角色造型跟3D畫風，另備有蒐集武將卡等元素，唔止得升呢、轉職幾招獨步單方！
大家從遊戲畫面都睇見《吞食天地3 Online》角色有幾可愛，個個以Q版設計，用色繽紛活潑。在可愛背後其實都見到廠方用心，魏、蜀、吳角色各自用上唔同色調及代表物件，如蜀國以綠色及龍作為衣飾設計、魏國用上藍色加鳳凰做代表。場景設計同樣滲着惡搞風，例如可見豬肉批發商張飛的店舖廣告，另有百年老店「任添堂」等店舖，認真抵死！
遊戲系統亦有不少革新的地方，職業系統唔再固定單一職業，可按需要隨時轉職；而當該職業等級去到MAX時，更能免費得到一套造型套裝。另一好玩之處係可以收服武將，可在城內、武將列傳或野外遇到武將時收為己用，除可帶佢哋上戰場之外，有需要時更能執行內政，都幾有《三國志》Feel！戰鬥亦加入陣式系統，敵人Boss隨時會搵同伴圍住自己，令大家打唔到佢，提高可玩性！
售價：免費（需登入天空龍帳號）
撰文：布偉倫
網址：http://hk.chinesegamer.net/ts3