與前輩閒談，她說：「你就好啦，可以四圍旅遊。」我說：「你比我有錢有地位，去邊都得啦。」她感嘆：「但係我都未搭過郵輪，你就搭咗幾次。」
我當然明白，以她單身熟齡的身份，無論平日多麼日里萬機，多麼巾幗英雌，也不敢貿貿然登上郵輪，過着孤伶伶的飄泊生活，哪管身處地中海或加勒比海，獨個兒眼巴巴看着別人一家大細歡天喜地，始終不是味兒。她說：「喺郵輪十幾日，好似『困獸鬥』，會唔會悶死？」我說：「當然唔會啦，船上提供好多消閒設施及娛樂節目，例如……」下省2,000多字，我都嫌自己長氣又Sales Talk。
然後，我靈機一觸，說出兩則郵輪真人真事：
朋友A，廿多歲乖乖女，某雜誌旅遊記者，參加郵輪採訪團，與帶隊的女公關共住一間客房，雖然兩人不熟悉，但A認為只要互相尊重便會相安無事，直至某個深夜醒來，發覺鄰床的女公關竟擁着某個陌生老外在「床戰」……
朋友B，廿多歲乖乖女，某公關公司公關，安排郵輪採訪團，讓傳媒朋友親身感受郵輪真樂趣，雖然她期望記者玩得暢快，但沒想過會收到某位女記者的致謝來電：「我真係玩得好開心啊，喺船上仲識咗個大隻鬼佬，一晚同佢『大戰』4次添……」
前輩聽後，嘴唇微動，瞳孔擴張，印堂呈現「咁正」兩個大字。看來，她開始找到旅行的意義。
網址：hk.myblog.yahoo.com/ccc3www3