NBA華人新星林書豪（Jeremy Lin），最近當選一周東岸最佳球員，仲帶領球隊取得連勝佳績。由一名大後備搖身變為炙手可熱的球隊救星，絕對是華人之光！想直擊佢每場比賽的精彩演出，未必要場場睇直播，皆因App Store備有《New York Knicks Official App》、《NBA.TV》等工具，隨時都可為呢位球壇新貴撐場！
林書豪每場比賽都畀到驚喜大家，近期仲有史杜迪米亞等主力復出，想睇吓佢哋能否合作無間，就一定要下載《NBA.TV》。新App備有NBA賽事的現場文字直播、得分表等，仲有Daily Zap每日精華、Top 10十大金球等短片，方便球迷重溫賽事。若付費成為LEAGUE PASS會員，仲可經iPhone睇比賽直播，隨時為林書豪打氣。
售價：免費
林書豪的花名Linsanity（林瘋）是近期紐約市最多人高呼的名字，在缺少主力的情況下，他克服其體形弱點，帶領球隊取得連勝，瞬即成為美國最Hit人物之一。紐約人的官方App便提供賽程、球員資料、獨家短片等，而大熱人物林書豪的資料當然有齊，球迷們一起高呼Lincredible、Linpossible吧！
售價：免費
今季効力紐約人的林書豪，季初不獲重用，更曾被下放至次一級的D-League，而他第一場便打出身價，取得三雙成績。其實D-League雖然譯為發展聯賽，但不時會出現出色球員，《D-League Center Court》便提供D-League的賽事資料，包括賽程、排行榜等，話唔埋畀大家做埋球探，發掘到下一個林書豪呢。
售價：免費
作為林書豪球迷，除咗要買佢嘅波衫同Linsanity Tee之外，當然連佢穿着嘅Nike Hyperfuse波鞋都死跟啦。想知道波鞋幾時賣街的話，《ReleaseDates》應該幫到你，此App出自Sole Collector網站手筆，提供波鞋的最新消息和資料，非常詳盡。雖然它以美國推出時間計算，但絕對值得參考。
售價：免費
林書豪對湖人時獨取38分，射得又剷得，身手非凡；可惜小記自問球技粗疏，要扮佢便要靠《NBA: King of the Court》。有別於一般籃球遊戲，此App將實境及Location-based功能結合，電腦會自動搜尋附近的球場，並將之化身成虛擬籃球場，讓各位玩落更加投入。而且支援網上射波比賽，隨時與其他iPhone用家鬥準，競賽味十足！
售價：免費
撰文：林子聰