BeoVision 12-65 Tune靚畫顯戲派

煲碟時想擁有最佳視覺享受，電視的色彩、亮度固然重要，但能否因應影碟特性而調校畫質亦是關鍵。為此B&O在最新65吋3D Plasma TV BeoVision 12-65，引進自動優化畫質功能，可分析視訊特色，自動調校局部黑位、減噪、銳利度、光及暗程度，令白位更清晰、黑位更厚實；加上採用對比表現比LED更靚的Plasma面板，將對比度推至5,000,000:1，就算隔着3D眼鏡睇戲，層次仍覺細膩分明。

BeoVision 12-65 售價：$288,000

五角表優化　一目了然

發燒級影音迷為了追求極致畫質，常會因應片種及畫面特性而手動調校設定，例如睇生態片時，會將色彩調至自然，睇落就唔會太重味精；睇夜景多的電影時，則會提升減噪程度，避免暗位起渣。但每睇一套片都要個別調校確實麻煩，故BeoVision 12-65加入自動優化畫質功能，利用全新影像處理晶片，自動分析視訊並調校局部黑位（Adaptive black）、減噪（Noise）、銳利度（Sharpness）、光（White E）及暗（Dark E），令畫質銳利分明，更能趕絕雜訊。用家有興趣的話，更可於畫面顯示實時轉變的五角表，煲碟睇戲時，優化了哪些設定就能一目了然。

採用自動優化畫質功能時，可在畫面顯示實時變化的優化五角表。

支援3D視訊，無論是Side By Side或Top/Bottom格式都兼容。

底部設有條狀喇叭設計，音色比一般電視更靚。

主動式3D畫面　亮麗清晰

用一般3D TV睇立體電影時，由於需佩戴3D眼鏡，隔着鏡片無可避免令畫質亮度下降，暗位層次便會不翼而飛，勉強提升亮度又會令黑位變灰。針對此問題，新機放棄市場較為普及的LCD及LED面板，而選用對比表現出眾的65吋全高清Plasma屏幕，令對比度提升至5,000,000:1，光暗自然更分明，就算隔着3D眼鏡，暗位都唔會黑埋一舊。為了令動態畫面更流暢，還引進600Hz掃描技術，在格與格之間加插模擬畫面，播放垂直、水平或斜向高速移動場景時，都唔怕窒吓窒吓。