潮畫潮話 LITTLE PEOOPLE小人物畫出界

落筆草圖──兼職入行

熱愛畫畫的Telephone Fung笑言自己是自閉，由細到大都只識畫畫。「我都唔知自己點解鍾意畫畫，淨係知道細個嗰陣好自閉，除咗畫畫就唔識其他嘢。長大後曾進修平面設計及插畫，幫電腦遊戲做人物、環境同武器設定。」她更表示從不刻意計畫將來，能開拓插畫師成名路只機緣巧合。

她說：「大家都應該知道畫畫在香港是比較冷門的工作，根本唔知可以點入行。我曾當雜誌記者，甚麼都做每樣都試，剛巧雜誌改版需要人畫插圖，同事知我識畫，於是邊做記者邊畫畫。之後傳開去，由於工作關係認識了不同範疇的人，結果開始有人找我畫畫。」

LITTLE PEOOPLE Logo黑色頸鏈 $109	「John Galliano」粉紅色女裝Tee $479	「山本耀司」白色女裝Tee $479

上色成名──網友熱推

Telephone Fung後來當上全職自由畫畫人，但正如她所說，本地插畫師要吃香並不易，特別是初期，她甚麼都畫，沒有工作時甚至於勞工處搵工，幸而仍能畫出轉機。她說：「原來勞工處有好多人搵Part-time畫畫，我搵到唔同類型的Job，例如曾幫學校外牆、教堂玻璃窗畫畫，雖然都只是跟草圖畫，但始終都是與畫畫有關。」由畫紙到牆壁再到玻璃窗，畫吓畫吓愈畫愈過界甚至畫入潮流界，與Nike及adidas等多個潮牌合作。

「Karl Lagerfeld」白色中性Tee $399

「川久保玲」黑色女裝Tee $479

之後，她更心血來潮仿畫Mr. Men、Little Miss，結果在朋友的網站聲名大噪。她說：「兩年前有個朋友在facebook開了個Group，叫大家將自己鍾意的 Character畫成Mr. Men同Little Miss。我同朋友Rex Koo覺得好好玩，於是試試，點知Post上網之後反應好好，不少朋友，甚至唔識的人都叫我哋幫佢哋畫，之後我們將此系列名為LITTLE PEOOPLE。」

星級成品──挑戰難度

現在，LITTLE PEOOPLE不僅是畫作，而是潮界潮畫，Telephone Fung自言作品能得以發揚光大，還多得本地另一著名插畫師小克及時裝達人的帶挈。「有次Wyman在微博見到LITTLE PEOOPLE很喜歡，他的朋友趁他生日時請我同Rex以時裝設計師及他為藍本畫了一套插畫。那次之後，小克將我介紹給他，於是便合作起來。」

最近，小人物再獲賞識，與本地潮店Catalog合作以時裝設計師為主題，推出特別版Tee系列。別以為Mr. Men同Little Miss的風格相似，所以畫時很簡單很容易，Tele指出，其實愈簡單難度愈高：「由於要有好多References，了解人物性格，所以，雖然真正落筆不用花太多時間，但畫前的準備工夫就要做很多很多，先可掌握重點令大家一睇就知係邊位及畫出箇中神髓。」

時裝畫

LITTLE PEOOPLE與Catalog合作推出玩轉時裝巨人系列，以六位時裝大師，包括川久保玲、山本耀司、Karl Lagerfeld、John Galliano、Alexander McQueen及Viktor & Rolf的造型為靈感，通過風趣的畫功及誇張的手法作出設計。

系列中的每個造型均獨特非常，例如冬菇頭波點造型一睇就知是向川久保玲致敬，而束短辮及戴黑超的當然就是老佛爺Karl Lagerfeld。系列包括男女裝及不同剪裁設計，另還有LITTLE PEOOPLE Logo黑色頸鏈。

撰文：朱寶茵

部分攝影：林資凱

插圖：Telephone Fung

查詢電話：2506 3928