Outdoor Look跟古天樂入樹屋！
今年農曆新年連着周末，不少人都會連請26同27日放個大長假出外旅遊。去旅行當然要物色Outdoor服，亦要留意大熱山系Look，兩樣加起嚟，更加不可不提戶外品牌Timberland。
品牌最近於屯門開設全新「樹屋」專門店，全店上至概念中至設計下至產品均融入環保元素，嶄新成咁，難怪連古天樂（古仔）都直闖新店，一於跟古天樂以最潮山系Look探究新樹屋！
集合地點：潮流森林
新店取名為「樹屋」，因為全店以品牌的樹幹型標誌作設計，中央豎立柱形圖騰。潮店的半開放樹枝外牆骨幹及縱橫交錯的樹幹形半開放天花，除了可以減少建築材料用量之外，亦可營造令人置身再造森林的感覺。
此外，店內70%以上的裝置及陳列都以循環再造的物料製成，如木製傢俬由再用木材製造、桌子以舊家具翻新等，務求從各細節體驗3R中的再利用（Reuse），及減少（Reduce）對原材料的消耗，以保護地球的珍貴資源。
指定服飾：環保山系
講到環保，必提品牌著名的Earthkeepers環保服飾系列，而新店更有不少最新到港的潮貨。其中一款女裝Long Down Parka羽絨大褸採用今年最Hit的軍褸款式設計，外層是100%循環再造聚酯纖維，內層則以八成羽絨和兩成羽毛混合而成，輕身保暖。
鞋款方面，除有大熱的爬山靴之外，亦有潮男最愛的Chukka Boots，部分款式鞋底以Green Rubber環保橡膠製成，並以狗牙設計以增加抓地力。此外，店內還有多款皮褸、龜背褸款外套及格仔恤衫等，不少更是鮮艷的紅色設計，新年時穿着最適合。
到此必遊：經典星靴
古天樂多以西裝或恤衫等較斯文簡約的裝扮示人，但今次竟然現身戶外潮店，好彩有「到此郊遊」才得知原來古仔對熱爆的山系Look都甚有研究。古仔表示：「其實我都好鍾意Outdoor戶外服飾，亦會買好多唔同顏色嘅恤衫、針織衫、頸巾同外套等Mix & Match，營造層次感，着出Casual同不拘束嘅感覺。」
提及山系Look必備的爬山靴，古仔表示其實爬山靴不僅襯Outdoor Look咁簡單，更在時裝潮流界扮演重要角色！「Timberland爬山靴已流行多年，細個時辛苦儲錢買經典『阿郎靴』，仲記得喺90年代嘅時候好多人都着佢嚟襯Hip Hop裝扮，而我最鍾情的是最經典最簡約的『阿郎靴』款。」
桃花源記
Gut @ 樹屋 7人讚好！
Hero：我都有去過！
Gut：設計好得意喔～^0^
Hero：仲有中間巨型樹幹、木製傢俬同裝飾，好似樹林咁！
Gut：仲有仲有爬山靴呢！！
Hero：我睇中咗對Earthkeepers格仔款，毛裡暖笠笠，咁鬼凍啱晒！
Gut：Ｉ Like佢對高踭綁帶短靴，襯而家興嘅Boyish Style Look一流囉>.~
地址：屯門市廣場1期1樓Kiosk 5
查詢電話：2265 7344
新年！新式新閃飾
丹麥珠寶首飾品牌PANDORA，近年憑可愛Charms吊飾在首飾界人氣急升，品牌更趁農曆新年特別推出充滿節日色彩的吊飾系列Dragon & Fortune Charms。新系列顧名思義採用龍年的龍形造型設計，另一款則採用「荷包」形設計，上面刻有「福」字字樣，象徵財富福氣兼備，夠晒意頭！
將福氣掛上身！
Yan @ PANDORA 18人讚好！
Yan：犯太歲……要龍形飾物擋煞……
Mi：去金舖買吊墜囉！
Yan：No……吊墜太「娘」……
KaKa：PANDORA
Yan：Re KaKa：Yup：）
Mi：有錢人！
Yan：No La，純銀幾百蚊就有交易，想貴氣啲嘅亦有14K金吊飾。
KaKa：串上Charm Bracelet戴一啲都唔「娘」。
Yan：仲有福字吊飾添！
KaKa：買埋將福氣掛上身！
Yan：正有此意，一於買埋佢！：）
地址：中環ifc mall 1樓1005A舖
查詢電話：2295 3904
巨龍着陸！
龍年將至，各大商場及店舖均以巨龍圖案作裝飾。Lane Crawford今年特別邀請Hong Kong Youth Arts Foundation為旗下店舖設計巨型龍形雕塑裝飾。在著名藝術家Karen Pow及Chao Harn Kae帶領下，12位中學生以鏡面馬賽克手法，為品牌於廣東道店舖的櫥窗設計一條七呎長的大型鏡面龍形雕塑。此外，藝術家Gareth Duster則以釘書機、塗改液、打孔機及Folders等，為中環ifc mall設計一條11呎巨龍，另又以紙皮及螺絲為金鐘店設計另一條11呎巨龍，創意十足。
龍咁威 大雜作
Eric @ ifc mall 17人讚好！
Jan：What's The Matter？
Eric：喺Lane Crawford見到條好爆嘅龍！
Wow：有幾爆？
Eric：成條龍用塗改液、釘書機、Folders等文具造，好鬼得意。
Wow：搞乜鬼大雜作！
Jan：藝術嚟！
Eric：龍咁威大雜作！
Jan：我都喺另一間見到條，不過係用紙皮同螺絲造。
Eric：Really？快啲影張相Post嚟睇睇！
Jan：Ok，你都快啲Post埋ifc嗰條文具龍上嚟啦！
地址：中環ifc mall 3樓3025~26舖
查詢電話：2118 3388
撰文：朱寶茵
人物攝影：陳富權