Last Call！賀年靚海味

頂級靚貨

「好東西」既是高級雜貨零食店，也是家摩登海味店，一室時尚紅色，海味琳瑯滿目又企理。店主經營海味生意30多年，所以這裏的海味種類特別多，也經過精挑細選，海參魚翅蠔豉珍珠肉響螺鮑魚，有平有貴，件件都是揀手貨。日本北海道珍寶瑤柱，肉厚又墜手；九紋龍海參，紋理分布平均，短身而肥大，口感十足；茶花香菇，超厚肉兼濃香；加上靚靚透明禮盒，送禮夠晒得體。

貼心服務

老闆娘黃小姐話，頂級高質的海味存貨愈來愈少，所以大家在選購時要分外留意品質，還要小心處理，才能吃出真味；即使是罐頭鮑魚，都要連罐烹調，食落更腍滑滋味。不懂得挑選和烹煮？不打緊！由保存浸發處理，到烹調配搭，店中都有專人講解甚至示範，平日又會代客浸發花膠、日本吉品鮑和海參等，服務好貼心，難怪深受中產年輕客人歡迎。

日本北海道珍寶瑤柱 $1,880/盒 揀貨時最好是原粒肥大和夠墜手，聞起來有鮮味。珍寶Size瑤柱肥大肉厚，鮮香味濃，浸至軟身，蒸熟後配髮菜和冬菇來煮，即成經典賀年菜。	九紋龍海參 $4,200/斤 參紋均勻分布，肥大短身，顏色暗啞。海參經過浸軟、煲、焗、烚步驟後，要用薑葱出水，用鮑汁或蠔油炆煮都好吃。	美國珍寶響螺頭 $680/盒 要選螺身夠乾、夠光亮的，聞起來沒有腥臭味，最好挑選一些大隻的，味道最鮮。這款美國珍寶響螺頭，配合老雞、赤肉、火腿煲湯最鮮甜。

撰文：褚愛琪

廣肚 $33,800/隻 花膠種類繁多，一般用來烹煮年菜的包括有廣肚和鴨泡肚。廣肚是花膠中最有名的，除了可煲湯，還可炮製扒花膠，口感更好。	金蠔 $338/包 金蠔一定要挑蠔身飽滿的，色澤帶金黃，聞到海水味。最佳烹法是解凍後瀝乾水分用慢火煎香，加點喼汁或蜜糖來吃最滋味。	罐頭鮑魚 $428（18頭） 由於鮑魚已入罐，最好挑選一些有信譽及口碑的品牌。這南非鮑魚罐頭內有18隻飽魚，的的骰骰，鮮味突出，配蔬菜最啱。

攝影：盧展程

查詢電話：2382 8327（初一至初六休息）