美國CES直擊 同 SMART TV講Hi 聲控「睇」感

ES8000雙核新設計

未講2012年Samsung SMART TV有幾Smart之前，都好值得介紹吓ES8000的超強設計跟規格，其最大賣點是用上雙核心處理器，睇電視時都可Multi-tasking！據Samsung解畫係當用家下載新Apps時，都可以流暢地上網瀏覽網頁。另外機身尺寸亦大包圍地推出46吋、55吋、60吋、65吋同75吋，又係多到總有一款適合你需要嘅地步。而且電視機底部換上「U型」底座設計，配合超薄機身及特幼邊框，充滿科幻感；機頂位置更整合鏡頭，除可用來玩Skype視像通話之外，更可用於「Smart Interaction」的面部偵測同體感操控。

插晶片升級電視

「Smart Interaction」主要係簡化操作電視功能，好似只要對ES8000講「Hi TV」，便可開機進行聲控操作，再講「Volume Up」、「Channel Down」就可調校音量同選台，不過現時只支援英文，想講句「亞視嚟嘅！」揀台仲未得。小記現場試玩時，同電視講聲「Smart Hub」便可進入全新Smart Hub介面，下載Apps兼上網，這個時候更可用手作體感操控，擺動手掌能充當滑鼠使用，握緊拳頭代表揀選相關設定，以後睇電視都唔使再用遙控器。至於「Smart Evolution」係一個具創意的概念，可透過插入晶片提升電視功能，不過CES現場未有進一步資料展示。

75吋ES8000索爆全場，同佢講「Hi TV」便可聲控調校設定。	Samsung首款Ultrabook Series 5 ULTRA，備13.3吋跟14吋兩款型號，香港搶閘於1月中就有得賣！售價：$7,780（13.3吋）、$8,680（14吋）	旗艦手提電腦Series 9推出第二代，以超薄機身與MacBook Air一爭長短。
預計5月推出的DA-E750高格調喇叭，加入真空管變身膽機，可支援GALAXY系列產品或iPhone聽歌！	兩位紅衣女郎戴起搶眼的紅羽毛頭飾作宣傳，夠睇頭！	ES8000將鏡頭列為標準裝備，方便體感操控。
去年Samsung 3D眼鏡玩款玩輕巧，今年再進化加速充電時間，快充1分鐘即可睇2小時3D影像。	講「Hi TV」開啟聲控功能後，備有不同語音選項。	上網時可用體感操控，下方備有指示教大家點樣Fing手。
今年展區用上唔少位置去宣傳「SMART Content」的家庭內容。	ES8000試片區 新機用上LED背光顯示技術，配合特幼邊框和超靚畫質，現場效果極震撼。	Super OLED HDTV試片區 現場所見，新機在色彩顯示到層次表現的能力超強，但問題在於開發成本甚高。

同場加映 Super OLED HDTV下半年登場

鬥SMART TV外，今年電視界另一焦點係OLED電視，幾間大廠分別展出大尺寸機款，Samsung亦展示了55吋Super OLED HDTV，擺正喺Samsung展覽攤位入口位置，夠晒搶眼！大家玩手機時都應該見識過OLED屏幕有幾靚，由於OLED毋須加背燈，這特性令電視可造到紙咁薄。雖然現場冇提供實際厚度數字，但估計55吋Super OLED HDTV厚度只有4~5mm，希望下半年實物推出時價錢唔好太嚇人。

55吋Super OLED HDTV機身有幾薄由大家去評價啦！

Samsung展區入口位置擺放了幾部暫未有型號的55吋Super OLED HDTV，超靚畫面勁吸引。

鳴謝：

Samsung