大開眼界

綜觀　潮鏡後樂園

踏進店裏，映入眼簾的不是一排排眼鏡，而是很Raw的水泥牆，直望竟是一個可以讓客人隨便坐坐的露天花園！新店兩層高、三千多呎，店內是一個個試眼鏡的玻璃櫃台，旁邊是店主Pazo在世界各地搜羅的特色椅子。

　　最令人印象深刻的是店子設有後花園，可以讓客人走到累時坐坐，和其他人交流一番。Pazo說：「出Trip時於英國等地見到有戶外地方的Select Shop，覺得好靚，讓客人有休憩空間。於是回港後決定創業，選舖時亦以有戶外地方的舖位為首選。」

放大圖片

放大圖片

宏觀　世界品牌史

Pazo有見香港是全世界戴眼鏡比率最高的地方，索性自己開店「搞大佢」，他說：「以往最受歡迎的眼鏡牌子多是時裝品牌，雖然名氣大，但論及手工及舒適度，則不及部分傳統眼鏡品牌，所以我希望引入世界各地不同牌子的眼鏡，帶來新衝擊。」

Oliver Goldsmith經典黑框太陽眼鏡，The Beatles都戴過同款。$3,280

法國品牌Emmanuelle Khanh Paris太陽眼鏡，經Lady Gaga一戴後迅即人氣急升，附送精美小袋子。$3,780

的確，Visual Culture眼鏡來源地之多，在全港算數一數二，包括美國、英國、日本、意大利、法國，甚至土耳其都有。大部分品牌都歷史悠久，如有140多年歷史的美國品牌Sharon、The Beatles都戴過的Oliver Goldsmith、荷蘭唯一的眼鏡品牌Preciosa等等。當中Pazo特別喜愛Oliver Goldsmith：「正如你見到Coca-Cola就會諗起可樂，見到Oliver Goldsmith就會諗起眼鏡，想當年很多明星都戴過，例如柯德莉夏萍、約翰連儂等，係一副劃時代嘅眼鏡。」

MAMMOTH象牙眼鏡，德國製造，用埋藏於西伯利亞地底達12,000年的長毛象象牙製成，非常矜貴，每對均附出世紙。$36,580	美國品牌Dita為慶祝Visual Culture開店而打造的金鏡Collection，用24K金製成，限量36對。$3,800	Erdem for Cutler and Gross彩色膠框太陽鏡。$4,500

微觀　型格聯乘Look

上乘眼鏡大集匯已是難得，最難得的是每位店員都對所有品牌瞭如指掌，所以來這裏不只是購物，而是上有趣的眼鏡歷史課。Pazo又說：「眼鏡潮流有一個獨特之處，就係行得好慢，而且係一個Cycle，二、三十年前、五、六十年前，同而家流行的款式也差不多。今年流行的眼鏡款式有兩個元素，第一會興番黃色嘅眼鏡，八十年代曾紅極一時；第二係鵝蛋形的金絲眼鏡，曾在九十年代很受歡迎的呢！」

石牆設計Raw味十足，眼鏡整齊放於玻璃櫃內，猶如展覽館。	老闆Pazo對所有眼鏡品牌都瞭如指掌。	Kangaroom動物戒指（左）$660、（中及右）各$880
Fostex Headset $3,999	MBT Winder $2,999

除眼鏡外，新店更兼顧客人全身造型，若覺得花多眼亂，店員會因應顧客面形提議合適款式。此外，由於Pazo亦喜歡不同潮物，所以跟多個單位聯乘，例如Studio級數的Fostex Headset、跟設計團體M.R.midaxx合作推出iPhone Case等等，他更透露這些Projects會陸續有來。

地址：銅鑼灣蘭芳道21號

查詢電話：2881 6392

大熱！追睇！！

Irene@Visual Culture 18人讚好！

Shell：我都想配眼鏡，有收穫嗎？

Irene：我都係路過見到個門口好有型，所以入嚟睇睇，原來有好多第二啲眼鏡店無嘅牌子，而且好多款都好特別添～～

Shell：邊副最正？

Irene：有副Clip-on好懷舊、連The Beatles、Lady Gaga戴過嘅款都有，型爆～！

Irene：仲有你最鍾意嘅玳瑁色小雲鏡～～

Shell：嘩！值得睇！

Irene：最特別係有個花園仔，坐低歇歇，聽聽店員講眼鏡史，買眼鏡都可以好輕鬆悠閒呢～

Shell：但貴唔貴？

Irene：Ok啦，一分錢一分貨嘛～！

Shell：咁又係……BTW你男友戴嚟戴去都係嗰副黑框，佢唔悶你都厭，叫佢配番副啦！

Local！新東方美人

作為潮人，留意外國潮流之餘，也不應忽視本地設計的新勢力。最近於尖沙咀DNA商場新開業的TOTEM，產品由香港本地年輕時裝設計師Alex Lao帶領其他年輕設計師所設計而成，其品牌「騰TANG4」既帶有濃厚香港色彩，亦凸顯現代東方女性的氣質，絕對稱得上是原汁原味的香港本土設計文化。

地址：尖沙咀漆咸道南61~65號DNA商場2樓206D、206E及209D

查詢電話：2361 8018

撐本地設計

Anthea@DNA ８人讚好！

Laddy： 又血拼？！

Anthea：乜喎……想買生日禮物畀老公咋嘛……

Laddy： So Sweet La，咁有乜發現？

Anthea：見到有間新舖TOTEM，Local Design，啲衫幾特別^^

Laddy： 有幾？？？

Anthea：中國傳統味道 × 潮流元素

Laddy： Any Otherssss？？？

Anthea：入面仲有個地方叫HK DESIGNER WARDROBE，可以畀Local設計系學生寄賣自己嘅Design。

Laddy： 呢個Concept OK新喎！

Anthea：Yup！可以推動本地創作，又可以成日轉款畀我哋揀，一舉兩得^o^

Laddy： 等我下次經過睇睇先！

彩妝‧採金

常聽人說「黃金比例」，但實際應用則少之有少。SHISEIDO有見及此，便針對亞洲女性面貌作出分析，並歸納出「面部整體」、「眼眉、眼睛」、「嘴唇」、「面頰」四個部位打造最理想的「黃金比例」。

由即日至2月29日，品牌開設期間限定Golden Balance Makeup Studio，提供黃金比例彩妝咨詢服務，由專業彩妝師配合先進iPad App透視面部比例，分析輪廓需要修改的位置，讓大家以煥然一新的形象迎接新一年。

地址：尖沙咀廣東道3號海港城連卡佛2樓

查詢電話：3101 1003

私家掘金

Phoebe@Lane Crawford 12人讚好！

Cherry：未同自遊行逼過呀？

Phoebe：有新開嘅期間限定Counter，過嚟湊吓熱鬧囉！

Cherry：咪又係化妝品……

Phoe 唔係呀，今次既主題係黃金比例，用iPhone App搵個人嘅黃金比例，仲有化妝師幫你化靚妝！

Cherry：咁你化完妝啦？Send張相嚟睇下！

Phoebe：轉頭啦，而家排緊隊等影相，嘻嘻！

Cherry：影乜？

Phoebe：呢度仲有魔法彩妝鏡影魔法影像照，可即時用facebook或e-mail同人分享，亦可儲入於USB珍藏。逢星期六、日仲有駐場專業攝影師影彩妝形象照做黃金比例座枱年曆添！

Cherry：哈哈，啱晒你啦自戀狂，日日可以對住自己！

撰文：明藹寧

部分攝影：郭凱敏　模特兒：Aaron（Elite）

化妝及髮型：Koori & Felix @ iMAKEUP　服裝提供：izzue