最潮婚宴登綠馬灣

大自然戶外婚禮

何謂真正的綠色婚宴？了解過馬灣公園提供的一條龍婚宴服務就知。婚宴會安排於園內戶外的「意中園」舉行，新人可於長達百米的彩虹牆旁邊筵開10席，以草地綠蔭鮮花作自然布景，和暖陽光加上新鮮空氣，氣氛零舍好。婚宴主題更可按喜好設定，公園會有相應配套，如鮮花布置、中式花橋等，中式西式、簡約優雅悉隨尊便；新人亦可選擇在「鳥望台」舉行雞尾酒會，營造多種浪漫氣氛。

低碳有機盛宴

話明講環保，主理筵席菜式的當然是非一般大廚！請來環保食家徐蒝包辦設計「馬灣愛情九大簋」，每道菜都堅守環保原則：可持續發展三文魚和鮑魚、無賀爾蒙優質豬肉、有機蔬果……婚宴中9成以上食材都用有機、低碳和可持續發展的，為保護地球出力；絕大部分菜式都會在徐蒝的私家廚房烹調好，再送到公園，又或用場內的太陽能爐烹煮，減低能源消耗。

場地會按新人要求布置，西式場景可容納約100位賓客。	天長地久 用本地黑豚或無賀爾蒙優質半肥瘦豬肉成打肉丸，爽彈又有肉香，以莧菜和魚湯煮的水晶麵，超爽滑鮮甜。	嬌陽紅日 乳豬先以低溫浸熟，吊起風乾，再放進特製烤窯內燒，皮脆肉嫩，是徐蒝招牌菜。

概念好綠色，菜式水準如何？有機食材，食落味道更天然突出；加上徐蒝一貫的鬼才與心機，準不會教人失望。像其首本名菜燒乳豬，就用特製意大利陶瓷花盆砌成烤窯炮製，乳豬先慢煮吊乾再以木碳燒，皮脆肉嫩好好吃。

只要加$2,888即可訂造婚盟石，約2呎長的手繪藝術石頭會刻上新人名字與結婚日子，更會放於公園3年以作記念。	海龍王嫁女 用女兒紅浸煮可持續發展的鮑魚，酒香滿滿，鮑魚鮮嫩，煙韌彈牙。	天涯芳草 有機蔬菜是徐蒝自家有機農場出品，配可持續發展的三文魚，是個環保沙律；伴自家種的沙糖柑桔醬汁，酸咪咪好開胃。

超靚景點拍婚照

想留下美好回憶？婚禮計劃有提供攝影服務，請來幾位80後人氣戶外新婚攝影師，以青馬大橋、馬灣漁村、紅樹林和沙灘作背景，以現代手法拍出動人婚照，相比起專程飛往外地拍攝，更環保節能。未結婚的環保分子，不妨考慮來個全綠色婚宴！

天做地設（前），紅男綠女（後） 前者是有機地瓜蛋糕，不加蛋和麵粉炮製，只用番薯和木薯，香甜鬆軟；後者是有機紅綠豆糕點，豆香好濃。	9道菜的盛宴，由徐蒝主理，菜式是預料中的破格和美味。	露天座位好開揚，感覺Relax。

馬灣愛情九大簋

Beer Combo $75 可在6款啤酒中自選4款，每杯125毫升，必選德國皇家品牌Arcobrau啤酒，麥味勁香濃。	餐廳環境昏暗有格調，更可看到大廚即席切火腿和芝士。	Tasting Set $198 一次過可試3款葡萄酒、3款火腿或芝士和3款乾果，分量小小，口味多多，划算。

收費：於3月31日前預訂，每席$10,888（最少5席）。

註：

1. 需於1 個月前預訂，費用包括廚師、運輸、餐桌食具、侍應服務等。

2. 租用場地、拍攝服務需另收費，詳情可致電查詢。

地址：新界馬灣田寮村45號

查詢電話：3446 1163

Green Wedding！

陳小皮@馬灣公園 25人讚好！

Victor：恭喜晒！你結婚呀？XDDD

陳小皮：唔係呀~~我只係參加婚宴！舊同學仔係環保分子，喺馬灣舉行咗個綠色婚宴，好特別！:D

搞鬼少奶：環境好靚！影結婚相一流！食Buffet？

Sion：有咩好食？

陳小皮：搞鬼少奶&Sion：以中式為主，由食家徐蒝設計，全用天然有機食材，當然無翅食啦！^^

蚊蚊：點解得9道菜咁少？:o

陳小皮：刻意比一般婚宴少兩道菜，潮流興減少廚餘嘛！唔好浪費食物，知冇？:p

Sion：徐蒝設計，咪好貴？

陳小皮：貴貴貴！每席$10,888！但體驗完全不一樣，做多啲人情都抵啦！:D

少吃多滋味！Tasting靚酒小食

我一向多心，每次點菜，樣樣都想試。尖沙咀新店Tasting Room Cocktail Kitchen就最啱我！店子仿效外國人於酒莊試酒室內品嘗美酒的形式，搜羅世界各地佳釀，更特設自助葡萄酒機、獨家Cocktails和啤酒；桃味、蜜瓜味Long Island、德國皇家品牌啤酒Arcobrau、英國Marston's Pedigree等統統飲得到；佐酒小食則有不同地方的火腿和芝士，還有沙律海鮮粉麵薄餅，選擇不少；最正是大部分小食都做成Tasting Size又或Tasting Set，像$198的Tasting Set，就可任選3杯75毫升的葡萄酒、3款火腿或芝士及3款伴菜，分量小小價錢平，讓人可多試幾款。

地址：尖沙咀美麗華商場2樓2015號舖

查詢電話：2473 0168

抵飲抵食酒吧！

夜蒲友@尖沙咀Tasting Room Cocktail Kitchen 15人讚好！

小王子：飲酒係我強項，呢度有咩好揀先？

夜蒲友：款式多囉！餐廳周圍放滿紅白酒，有排揀！但我最鍾意係Cocktails，款式夠特別。^^

茶泡：我飲酒要醫肚，有乜好食呢？:-o

夜蒲友：除咗有風乾36個月Iberico Ham，仲有黑毛豬風乾腸同辣風乾豬柳，芝士有德國西班牙瑞士貨，多到數唔晒。:p

蘇玲玲：咁咪要嚟好多次？XDDD

夜蒲友：好彩有Tasting Set，一個價錢就試到多款小食同酒，抵。

趁平掃賀年禮物

新年將至，又係時候辦年貨！去西環買海味，去九龍城買賀禮……今年一於去「一田百貨」！由現在至1月26日，超市正舉行賀年食品展，除了有鮑參翅肚和海味，更集齊過千款賀年禮盒，曲奇餅乾麵食醬汁一網打盡，和風、歐陸式以至老字號出品都有，大部分更以優惠價發售，還不快快掃定貨！

地址：沙田新城市廣場第3期

查詢電話：2694 1111

Fossier玫瑰小餅 原價$48至$78，特價$38至$58

做餅的食譜有300年歷史！柔和粉紅酥脆餅乾，蓋上雪白糖霜，清甜不膩。

澳洲如意鮑魚 （1頭，850克）原價$688，特價$558

澳洲野生鮑魚，肥大肉厚，鮮甜彈牙又不失鮑魚味，非一般養殖鮑魚可媲美。

買定禮物等拜年！

Ball@一田百貨 10人讚好！

少爺仔：咁早去辦年貨？有筍嘢執？

Ball：我跟阿媽去一田掃貨呀！嘩！獨家澳洲野生6吋大罐頭鮑，店員話係首次登場，仲要係專人在深水中徒手捉，超巨型！

紅帽子：你買咗咩先？:p

Ball：有法國Fossier玫瑰小餅啦、老字號「好到底」蝦子麵啦……拎到手軟！><

撰文：陳恩怡 攝影：陳富權