搞鬼飯糰專門店

灣仔三里屯自從改名為Brim 28後，有一番新景象，新餐廳紛紛進駐；當中有一家最受OL歡迎，叫「華御結」。「御結」即是飯糰，因製作時需用心以雙手相握，正如人與人一樣心相連，故有此美麗的名字。
左：牛肉飯御結　$13/個（213卡路里）/中：三文魚御結　$13/個（181卡路里）/右：薄餅御結　$13/個（234卡路里）<br>牛肉飯糰有肉香；三文魚餡料分量好夠，有鮮味；薄餅飯糰則有番茄和芝士，好Fresh！
左：牛肉飯御結　$13/個（213卡路里）/中：三文魚御結　$13/個（181卡路里）/右：薄餅御結　$13/個（234卡路里）
牛肉飯糰有肉香；三文魚餡料分量好夠，有鮮味；薄餅飯糰則有番茄和芝士，好Fresh！

店子老闆是日本人，從事米貿易多年，對米認識極深，所以飯糰做得極講究，按季節選用不同品種的日本米，像越光米、秋田小町米等，加上烹調得宜，飯粒脹卜卜，水分充足，軟糯彈牙又夠米香；比超市飯糰好吃得多。

配料也有好多花款，逾30款口味輪流登場，有傳統以紫菜包着的，像三文魚、明太子、燒鰻魚、酸梅等大路選擇；也有新派的，老闆花了逾1年時間與日本調味料商開發10多種調味品，混在飯糰中，吃起來味道傳神，又不會滿手汁水兼易散；有牛肉味、泡菜、薄餅、咖喱和XO醬等口味，好搞鬼！

明太子御結　$12/個（195卡路里）<br>原條明太子從日本運到，加入飯糰內，帶點鮮香味，充滿和式風味。
  • 明太子御結　$12/個（195卡路里）
    原條明太子從日本運到，加入飯糰內，帶點鮮香味，充滿和式風味。
腐皮御結 $12/2件（275卡路里）<br>很清甜的腐皮，表面加點酸薑，吃罷很醒神。
  • 腐皮御結 $12/2件（275卡路里）
    很清甜的腐皮，表面加點酸薑，吃罷很醒神。
蕨餅 $18（174卡路里）<br>有原味、抹茶味和黑糖味選擇，全由日本運到，入口煙韌清甜。
  • 蕨餅 $18（174卡路里）
    有原味、抹茶味和黑糖味選擇，全由日本運到，入口煙韌清甜。
店子不大，有小量座位，一到午市擠滿OL。
  • 店子不大，有小量座位，一到午市擠滿OL。

低卡日本飯糰

pipi@灣仔華御結 12人讚好！

sman：嘩！啲飯糰好靚喎！你去日本咩？:)

pipi：喺灣仔之嘛！全間店都賣日本飯糰o架！^^

sman：得唔得架？

pipi：O呀！真係用日本米做，好香！款式多到數唔晒！

cassie：食飯糰做Lunch，可以Keep Fit！:p

pipi：係呀係呀！老闆話呢度嘅飯糰都由日本營養師精心計算過，每個飯糰百幾卡左右咋！

Melody：我食過！沙律都正！一盒有成10款食材，夠晒有營！>3<

pipi：不過舖頭星期日休息，大家搵日再去啦！

撰文：陳恩怡　攝影：譚建章

地址：灣仔港灣道28號灣景中心大廈1樓8室　查詢電話：2877 7372