在網絡遊戲世界，人人隔住部電腦一邊吹水一邊打怪，但是遇上口沒遮攔的玩家，認真冇佢符。Gameone近日進行公測的《亂戰天下Online》，便以四國混戰爭天下為背景，加入戰鬥坐騎、內掛練功等元素，更設有「強者成王」功能，成為國王的你有特權使其他玩家禁言，用來對付多嘢講的玩家就最啱。
遊戲講述青龍、白虎、朱雀、玄武四大國爭霸天下，玩家將扮演其中一國的成員，主要任務係攻入中央聖都城。但就算在自己國家內，其實也暗藏鬥爭，事關新作加入「強者成王」的爭奪系統，只要你夠好打，就可「揮」低同國戰士成為國王。雖然國王會成為眾矢之的，但卻擁有GM特權，睇邊個唔順眼可以拉佢去坐監，每日仲可以指令3名玩家禁言，想亂講嘢都冇咁易。
華麗人設 內掛升呢
遊戲玩家可選擇的職業有戰士、獵手、法師、花靈4種，分別為近戰、遠攻、法術、輔助類型，唔算新鮮，但卻在角色設計落足工夫，服飾相當搶眼，香港版還特意找來o靚模Monna變身花靈玩Cosplay。此外，遊戲特別提供內掛系統，加入一鍵式智慧型設置，唔使左Set右Set就能自動打怪，甚至自動使用回血道具等，打怪練功時更加方便，還可在國戰中與其他玩家傾巢而出對付敵人。至於近年MMORPG必備的寵物系統，遊戲便備有44種坐騎戰寵選擇，玩家可按自己的喜好選擇造型，一邊騎住佢哋一邊幫拖打怪，還會一齊升級使玩家變得強大。
類 型：MMORPG
開 發：西域遊城
代 理：Gameone
推出日期：公測中
售 價：免費
網 站：http://cc.gameone.com
撰文：李潤康