Masterpiece柯柏文貨櫃現真身

貨櫃變身玩法多

如果有玩開Masterpiece變形金剛玩具，一睇新版柯柏文會發現多咗個大貨櫃，今次唔係齋做擺設咁簡單，好似貨櫃門可拉出尾板，讓附送的小卡車駛出來；整個貨櫃亦可左右打開，露出內裏的升降台。此外，新版追加貨櫃的最大好處是提升貨車形態的完成度，而變成機械人時，小卡車還可拖住貨櫃行呢！

Detail位多夠靈活

新作沿用初代柯柏文設計，而且Detail位幾多，打開心口更見到能量核心，而肩部加入了伸縮關節，令靈活性大增之餘，背後還可將支槍擺入去。用料方面雖然以塑膠為主，但腳掌部分加入金屬件，強化了模型的接地性，唯一擔心是全塑膠關節位，變多幾次形有機會扭鬆。

附送的人仔可放入駕駛席位置。	貨櫃內可見升降台、小卡車等。	打開心口車蓋可以拿出能量核心。

撰文：李潤康

攝影：胡淑儀

查詢電話：2302 1221