同愛犬一齊食拉麵！

以豬骨湯拉麵在大坑「響朵」的拉麵店達磨，最近在銅鑼灣開分店，造福一眾等位等到暈的拉麵迷；但沒想到，今次連狗狗都可以受惠！點解？因為新店設有露天位置，兼有狗仔麵套餐供應，等主人同狗狗可以齊齊食拉麵！
狗仔麵套餐 $23<BR>由日本白粉麵製造的無添加素麵，配以4重過濾的純淨水，狗仔食得天然健康，主人放心。
狗仔麵套餐 $23
由日本白粉麵製造的無添加素麵，配以4重過濾的純淨水，狗仔食得天然健康，主人放心。

白麵條成分天然

好多人當狗狗係仔女，平日帶愛犬出街散步容易，但講到搵地方開餐就難，達磨老闆之一的Annie都係狗主，深明這苦況：「曾有熟客想帶埋狗仔來，我招呼他坐露天位，見他們好開心，所以今次索性做埋狗仔生意。」狗狗餐一出，反應奇佳，Annie話這區附近有好多狗主，星期六、日餐廳最爆場。

達磨一品豚骨　$85<BR>湯底濃稠，可跟幼滑拉麵一啖「雪」入口，最愛將明太子混入湯中，增添點點刺激滋味。
  • 達磨一品豚骨　$85
    湯底濃稠，可跟幼滑拉麵一啖「雪」入口，最愛將明太子混入湯中，增添點點刺激滋味。
南瓜餅 $25<BR>新登場小食，外脆內軟，南瓜餡料飽滿，香甜夾香滑。
  • 南瓜餅 $25
    新登場小食，外脆內軟，南瓜餡料飽滿，香甜夾香滑。
達磨豚角煮 豚骨辣味 $75<BR>豚角煮入口鬆化，辣湯底好夠味，還附上一碟鮮磨辣椒醬，鮮味中滲出辣香。
  • 達磨豚角煮 豚骨辣味 $75
    豚角煮入口鬆化，辣湯底好夠味，還附上一碟鮮磨辣椒醬，鮮味中滲出辣香。
分店地方比總店寬敞，坐得舒服，還新增拉麵吧位，東瀛風味滿瀉；更設有露天座位。
  • 分店地方比總店寬敞，坐得舒服，還新增拉麵吧位，東瀛風味滿瀉；更設有露天座位。

狗仔套餐雖然只有素麵及清水，但全都經精心挑選，像素麵以百分百日本白麵粉製造，沒防腐劑、鹼水、人造色素和香料；連清水也經4重納米過濾，純淨度高，並加了點昆布作調味，令狗仔食得健康。

特濃豬骨湯最正

主人呢？新店依然以其特濃豬骨湯底掛帥，湯頭濃稠漿口，配料又多，拉麵富咬口，水準保持到；而鬆化入味的豚角煮、招牌小食日式芝士年糕、自家製五目飯糰等仍是熱賣，反而新品較少，記者心水有南瓜餅。不過主人有狗仔相伴，食乜都咁開心啦！順帶一提，店子在同一時間內只可招呼兩隻狗仔，主人記得訂位啊！

撰文：楊淑英　

攝影：黎劍華　

查詢電話：2565 6001