一間餐廳除了食物水準，還有甚麼最重要？裝修、氣氛、有冇Discount抑或廚師靚唔靚仔？隨着世態變化，準則都有不同。
香港海港城有新店開幕，叫做點一龍，主打廣東點心，我受邀去試試。芸芸選擇中，香炸百花蘿蔔糕較為突出，不過始終是新店，尚有很多需要調節之處，但最需要緊急處理的，並不是蝦餃燒賣叉燒包諸如此類……
話說早前該商場公關部邀請某名人兼好友到場享用一盅兩件。因為是名人，所以不能坐在當眼大廳，這一點店方都明白，便專誠安排遠離門口、偏於一角的卡位。
本來是好主意，但也許位置略為隱蔽，竟然令電話訊號接收非常疲弱─嘩！不得了！公關部大為緊張！一來名人兼好友是「微博精」，因接收訊號欠佳而迫使「罷手」，實在有失待客之道；二來訊號弱即是上不到網，即是不能玩微博、Twitter、Facebook等社交媒體工具，即是顧客不可以第一時間將所吃所喝Post出來跟網民分享，亦即是不會引起一連串話題、討論和免費宣傳效用，咁仲成世界？公關部立即作出協調，請工程部為店舖進行補救工作。
試問香港哪個商場，會為租客擔心訊號接收問題？
常見的情況，不是貴店自理，就是貴客自理，你要打電話或上網，就要自行跑出店舖門外，好趕客。有些商場水盡鵝飛，有些商場收入億億聲，不無道理。
旅遊飲食寫作人