新潮月餅 晒冷！

穩守一哥地位的傳統月餅，依然以頂級蛋黃蓮蓉作招徠。但一眾後起之秀卻各出奇謀，絕對不容忽視。除了各大餅家外，今年連酒店、朱古力店、花藝店等都加入戰團，誓要分一杯羹。眼花繚亂？不怕，先看看今年的月餅潮流，儲定彈藥再入貨吧！

奇華高纖迷你果仁月 $152（a） 想食得健康？此款月餅用上南瓜籽、杏仁、松子、欖仁及白芝麻精製，嚼勁十足，且每個都含有2.1克膳食纖維，有助腸臟蠕動，團圓飯後食一個，幫助消化！	奇華麥芽糖醇低糖雙黃蓮蓉月 $258（a） 明知月餅高卡路里，但味道好，實在難忍口。這款採用麥芽糖醇的月餅，比傳統月餅低一半卡路里，且糖分更只是十分之一，以後食月餅就幾甜都唔怕啦！	Pappagallo金紗雪月 $528（7/9前訂購$338）（c） Pappagallo一向都以低脂雪糕見稱，今年更加推低脂乳酪，推出粉紅佳人乳酪和曲奇乳酪，外皮為瑞士脆皮朱古力，食落味道酸咪咪的，開胃又不怕肥。
Edible Arrangements Mid Autumn Dipped Daisies $308/6個，$398/12個（b） 這間美國花藝公司，今年新推生果月餅。用上人手切割成花形的菠蘿，再沾上黑朱古力，濃香中帶有清甜果味，完全冇肥膩感覺！	帝都酒店迷你蛋黃金黃蓮蓉月餅 $218（d） 以Shocking Pink襯上青綠色的外盒，洗去一貫的傳統感，而盒裏的月餅則精選頂級湘蓮和蛋黃，餅皮再以明爐烤焗，外表的骰，不怕食滯！	龍苑迷你酥皮奶黃月餅 $148（e） 愛食蛋黃的你，必定會愛上奶黃月餅，但食得多怕膩，大可選擇這款迷你版，而且餅皮更用上香口酥皮，質感更加鬆化，倍感滋味。
聖安娜至Q一口冰皮月餅 $215（f） 冰皮月餅確實令人食不停口，怕不知不覺食太多？這款新推的Mini版就最啱心水。一盒共有曲奇妙趣、泡沫紅茶、紫薯香蕉等8款口味，如$1硬幣般大小，一口一個，相當過癮。	city'super 特級酥皮月餅禮盒 $268（g） 如果喜歡酥皮香，這月餅禮盒便一定合你胃口。一盒內包括合桃芝麻和蛋黃白蓮蓉兩款口味，全程由人手鮮製，入口鬆香，而且不加任何防腐劑，小小的一個讓你食得更健康。	翠亨邨雙黃白蓮蓉月餅 $228/盒（i） 一反傳統，用上手袋形設計，感覺大方得體。內裏是傳統的雙黃白蓮蓉月餅，質素不俗，用作送禮最合適。
聖安娜限量版中秋尊貴錦盒 $480/盒（f） 送禮當然要夠體面。這款限量版尊貴錦盒，內裏包括三黃白蓮蓉、雙黃白蓮蓉及雙黃蓮蓉3款味道，並且特意貼上奧地利名牌水晶，閃閃生輝，相當華麗。

精緻月餅 層出不窮

月餅愈出愈新奇，今年就不乏以健康作招徠的月餅，以果仁乳酪生果做餡，標榜低脂，食多幾件都不怕肥膩！除了餅餡低卡外，連分量都大大減少，紛紛推出迷你版，來一個少食多滋味。而包裝方面都搞搞新意思，除了傳統鐵盒外，亦大玩矜貴和型格，務求令月餅食得又睇得。若嫌傳統月餅太大件又飽膩，以下總有一款合你心意，今年中秋就不怕冇選擇啦！

撰文：黃夏霖　攝影：胡淑儀、謝孝祥（部分）

查詢電話：（a）2785 6066、（b）2295 1108、（c）2951 5724

（d）2694 3886、（e）2315 1006、（f）2815 2237

（g）2429 8588、（h）2805 0808、（i）2524 2012