香港人的Ego像時下的「豪宅」，扮大又僭建；有見及此，由餐廳侍應和街市阿嬸，到新聞記者及節目主持，都以「靚仔」或「靚女」稱呼人家，信者得笑，不信者亦會受落，沒得罪對方才是終極底線。至於實際上真正靚的有幾多個，大家心知肚明就算了……不過呢，近期飲食界冒出了一位人所共知、傳媒公認的靚仔，是香港洲際酒店新任法籍行政餅廚Cyril Dupuis。
女性朋友問：「究竟有幾靚仔？有冇相可以睇吓？」我從手機找出來，她們看過後，大力點頭嘆道：「果然靚仔喎！」我只能答：「其實他並不太上鏡啊。」真的，有些靚仔像Cyril，與其跟他Facebook，不如親身見面，會更加嗒糖。
話說我與一群傳媒朋友，到酒店的大堂酒廊享用下午茶，Cyril過來閒聊兩句，短短的現身已經好Dramatic，帶來一陣普羅旺斯式的如沐春風，深深感染在場女生，有人開心得露出招牌腰果眼，亦有人盛開得發出銀鈴式笑聲。Cyril離開後，有人打聽：「他是單身嗎？」知情者說：「是單身啊，還常到Dragon-i、Tazmania Ballroom。」所有女性立即嘆一口氣，像在投訴「原來他愛蒲」。唉，難道你要他公餘時間只上圖書館和當義工嗎？
旁人對靚人總是苛求一點，有實力就加倍呵護，冇能力則加倍批評，幸好Cyril不簡單，他師承於頂級名廚Pierre Herme和Alain Ducasse，所做的濃朱古力香橙慕絲餅（Chocolate Elysee）十分出色，可說是全城之最。樣靚，又識做蛋糕，是為無敵。
旅遊飲食寫作人