泳池潛行好飄呀！

自攝影數碼化，幾乎人人都變了Cameraman，無論搭車、返工、開飯、行街……一無聊就會拿出相機影一影。當一般人仍在沉迷玩Snapshot之際，一陣騎呢攝影熱已在不同地域萌芽，例如外國出現Leisure Dive、台灣有人拍攝「趴街」（Planking）照，香港呢？由日本飄浮少女yowayowa帶動的「飄浮攝影」，已靜悄悄「飄」入本地商場……

池中漫步，不但氣定神閒，仲要唔濕身，咁經典嘅場面，又點可以唔拍低呢？

10呎深泳池飄住影

源於日本的「飄浮攝影」，把真人拍攝得像飄起一樣，看似匪夷所思，原來只要有一部快門夠快的相機，加上模特兒的跳躍動作夠自然輕巧，配合從容自在的表情，已是成功的一半，而另一半則靠拍攝者反覆試拍，才能拍出一陣「輕於鴻毛」的感覺。

至於取景地點，城市中任何一個地方也可以，只怕「飄浮」期間被人阻住或阻住別人。想令拍攝過程更加Free？推薦大家踩入美麗華商場，皆因場內新設多個有趣攝影場景，讓大家體驗無重力創作，其中10呎深泳池場景猶如一處「潛行空間」，任「飄」任「飛」，同場更設有倫敦的士、電話亭、汽水機、流動雪糕車等布置，仲唔快啲攞部相機去拍拍拍？