香港地，做飲食業並唔容易，租貴人工貴食材貴，曾經營酒家的中華廠商聯合會副會長施榮懷（Irons）同弟弟百仁基金主席施榮忻（Jaime）深明箇中辛酸，兩兄弟對有心的食肆格外捧場，日前便忙裏偷閒，齊齊去中環東南飯店歎私房菜。
與施氏兄弟傾開才知，原來他們不時來開餐，最欣賞老闆娘朱迪（Judy）的熱誠：堅持食材優質！海魚活雞有機菜，肉類謝絕冰鮮，更不落味精雞粉，原汁原味。這裏主打廣東菜，亦有江浙、順德等特色菜。Irons和Jaime當日的午飯可謂包羅萬有，有家常的彩蘿咕嚕肉，又有順德的陳皮清蒸斑頭腩和家鄉煎焗雞，還少不了招牌菜椒鹽鮮海蝦，難怪兩兄弟食得格外盡情。
Jaime大讚老虎斑新鮮，亦愛彩蘿咕嚕肉的自家製酸甜汁；識飲識食的Irons，就猛食清炒菜芯苗，當清清腸胃。飯後甜點酒釀丸子的湯圓更即叫即搓，夠晒煙韌，還有酒香。見貴客滿意，Judy說當中最緊要是用料新鮮，配合健康和心機烹調，沒有不好吃之理。
雖深受名人捧場，但這店消費不算高，值得一試。「我們既有鮑參翅肚和手工菜，亦有家常小菜，豐儉由人。午餐每位$168，就有兩餸一湯。」談起開店原因，Judy笑言與丈夫經常請客，不如自己開餐廳，可控制品質。飯店於去年開業，兩夫婦雖是飲食界新丁，但事實證明，只要用心做，自然客似雲來。
撰文：楊淑英 查詢電話：2363 3008