瞓身新玩意衝擊熱浪

撰文：李潤康　

攝影：黎劍華　

手執長槳會較易平衡。

淺灘衝浪，有型又有款。

模特兒：Betrys（GME）

衝浪Step by Step Step 1：玩之前，細心聽取教練指示。	衝浪Step by Step Step 2：初學者可預先瞓上滑浪板，等候大浪衝來。	衝浪Step by Step Step 3：玩熟咗便可游遠少少，等大浪一到再乘浪衝上來。

直立式滑浪板 撐住滑

如各位自問平衡力唔係太好，便可嘗試直立式滑浪板。這是一種來自夏威夷的新興玩意，滑浪板豎直高過一個成年人，板面亦較闊，讓人可站着或跪着滑水，就算滑浪初哥都較易平衡。最正係它還配有一支長槳，可以好似撐船咁划水，方便細浪時撐出海。

衝浪Step by Step Step 4：愈大浪就愈快，轉眼已滑回沙灘，爽！

大浪灣是港島的衝浪勝地。

淺灘衝浪板 考平衡

岸邊都有得滑水？冇錯！這款淺灘衝浪板原理是一邊助跑一邊拋板，再看準時機滑行，好有《神奇四俠》中銀魔的影子，有型到痹。這種滑法看似簡單，實情好考平衡力，一跌肯定成身沙。當然，如果你熟習了淺灘衝浪的平衡方法，就可以玩各種跳板花式，隨時引來岸邊的女士們尖叫。

私人營地可容納很多人，有床又有冷氣，露營都唔怕辛苦。	划獨木舟去茶果島，要划近30分鐘先去到。	玩滑浪風帆，教練Leo話一般要30分鐘指導。

人體滑浪板 瞓身衝

如果你游水唔多叻，要游出大海迎巨浪都幾高難度，幸好香港在近岸都可玩到人體滑浪板，它豎直大約去到一般人的心口咁高，只要拿着它到1米左右水深，乘浪一到瞓上板，就可以享受到滑浪加速的快感！浪高長岸水上活動中心的教練Leo教路：「最重要是瞓上板時，下巴要頂住板尖，雙手握實板邊控制方向，咁就較易保持平衡。」

中心有售一些凍飲和小食，方便補充體力再玩過！	浪高長岸水上活動中心	放大圖片

其他滑浪熱點

除了長沙沙灘，香港滑浪一族還有好些選擇，如位於香港島石澳以北的大浪灣便是其中之一。但要注意大浪灣需吹正東北風才會起大浪，但香港的夏季多吹西南風，因此於秋冬兩季到大浪灣滑浪較為適合。

玩樂不停宿一宵

浪高長岸水上活動中心面向長沙沙灘，行幾步便可跳落沙灘玩餐飽，但玩到日暮黃昏點算好？這裏還提供住宿服務，備有獨立房間和私人營地兩種選擇。滑浪人士買下活動代用券（$540起）或露營活動代用券（$170起），有得滑浪之餘，更可享用一晚免費住宿。獨立房間有空調、廁所及無線寬頻上網，抖番一晚，明天便可繼續玩。

長沙沙灘交通須知

想乘搭公共交通工具到長沙沙灘，可於港鐵東涌站轉乘大嶼山11、23或A35號巴士；或於港外線6號碼頭乘船至梅窩，再轉乘1、2、A35或4號巴士，在長沙下村海灘下車。如欲乘坐的士，東涌往下長沙海灘單程收費約$80，由梅窩出發則約$50。

浪高長岸水上活動中心

地址：香港大嶼山長沙下村29號

電話：8104 6222、2980 3222

網址：www.longcoast.hk

其他水上活動

除了上文的衝浪玩意，浪高長岸水上活動中心還提供獨木舟和滑浪風帆畀大家玩。前者可在教練陪同下，一齊划出去茶果島；後者對玩家的技巧要求較高，需要多些時間指導，而每位教練同時只能教兩個人，所以記得預多些時間。

天氣資訊你要知

香港天文台網站開設了一個「水上運動天氣資訊」專頁，裏面包含了地區天氣預報、區域風力分布資訊、水上運動風速預測和紫外線指數預測等資料，並會定時更新。

網址：www.hko.gov.hk/sports/watersportsc.shtml