想知自己是否迷上社交網絡，可以從以下測試得知：上菜時會否第一時間用手機影相再上傳面書？去個靚廁所都不忘「打卡」話畀人知？上飛機前要影低登機閘口，驚死人唔知你出國？不過就算沉迷都不是壞事，以下就介紹幾個不同主題的社交潮Apps，用靚相識朋友又得，分享旅程識朋友亦得，令你更加交遊廣闊！
撰文：布偉倫
《Trover》的重點在於顯示你附近的新發現（Discovery），玩法係用你身處的位置作為中心點，將附近的相片顯示畀你睇，因此就算同處香港島，於銅鑼灣跟中環所收到的相片都不同。惟現階段香港用家所拍攝的圖片唔多，但只要再多啲用家玩，這個Location Based的新App會更好玩。
售價：免費
好多人都唔止得一個社交網站帳戶，《囧信》這個能連繫facebook、人人網同微博的即時通訊軟件就啱晒用。全中文介面是一大賣點外，通訊方式更包含文字、圖像和即時錄音，一按即錄即傳送，相當方便。而且內地facebook用戶更可使用這個通訊軟件，跟香港或海外同時裝上這個App的用戶聯繫，毋須再自行翻牆！
售價：免費
若然大家喜歡自己搵資料自由行的話，這App肯定啱用，它除了可以搵到全球超過50萬個旅遊景點，仲可跟住世界各地的Backpackers行程照玩，還可從文字、相片及聲音檔案搜集資料，比帶本磚頭咁重的旅遊書更實在。當然大家亦可Share自己的相片同點滴與不同朋友分享。
售價：免費
身邊有不少朋友已訂閱《Instagram》睇靚相，甚至透過分享相片而建成社交網絡。它的成功之處是影相時預載大量濾鏡畀用家選擇，玩埋Tilt-Shift效果都得，連上facebook、twitter、Flickr分享相片都好容易，難怪全球已有超過375萬用戶，而且評價有4~5粒星咁高。
售價：免費
密友高排名
新出的《With》主要建基於twitter社交平台之上，提供不少濾鏡幫助大家拍攝特效相片，然後再分享至twitter，玩法有點像近期流行的《Instagram》。而新App最特別的地方是親疏有別，愈親密的朋友會在清單上排得愈高，而且開發商話稍後會推出唔同着數，值得期待。
售價：免費